Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultanda soltústik aınalma jol ýaqytsha jabyldy

2022 jyldyń 25 mamyr 2022 11:08

NUR-SULTAN. QazAqparat - Nur-Sultan qalasynyń soltústik-batys aınalma jolynyń ýchaskesinde jóndeý jumystaryna baılanysty kólik qozǵalysy ýaqytsha toqtady, dep habarlaıdy QazAqparat.

Polıtsııa departamenti tranzıttik kólik pen júk kóliginiń júrgizýshilerine úlken aınalma jol ýchaskesi arqyly ruqsat etilgen baǵyttardy kórsetetin aqparattyq taqtalardy basshylyqqa alýdy usynady.

Sondaı-aq, «Óndiris» turǵyn úı massıviniń joldarynda apatty jaǵdaı jáne keptelis bolmas úshin «Sergek» kameralaryn ornatý arqyly júk kóliginiń qozǵalysy shekteldi.

Tártip saqshylary eki jolaqty joldar júk kóligi tasymalynyń qarqyndy júrýine arnalmaǵanyn eske salady.

Budan basqa, halqy 32 myńnan asatyn «Óndiris» turǵyn alaby - ónerkásiptik aımaq emes.

Tranzıt kólik sanynyń kóptigine baılanysty turǵyndardan massıv aýmaǵyndaǵy jol qaýipsizdigi erejelerin buzý boıynsha qala jáne aýdan ákimdigine turaqty shaǵym túsip jatyr.

Aıta ketý kerek, mamyr aıynda Sýsamyr kóshesinde «Gazel» avtokóligi balany qaǵyp ketken, oqıǵa ornynda alǵan jaraqatynan bala kóz jumdy.

Qalamen baılanystyratyn negizgi eki jolaqty jol - Malahov kóshesi. Onda respýblıkalyq mańyzy bar úsh temirjol ótkeli ornalasqan, osy ótkelde kólik júktemesiniń deńgeıi ruqsat etilgen normadan asady.

Jol júrisi qaǵıdalary 1-qosymsha 3-bóliminiń talaptaryna sáıkes «júk avtomobılderiniń júrýine tyıym salynady» 3.4 jol belgisiniń kúshi belgilengen aımaqta ornalasqan kásiporyndarǵa, sondaı-aq azamattarǵa qyzmet kórsetetin nemese belgilengen aımaqta turatyn nemese jumys isteıtin azamattarǵa tıesili kólik quraldaryna qoldanylmaıdy.

Sondaı-aq, atalǵan turǵyn úı alabynyń tirshiligin qamtamasyz etý úshin júk kóliginiń qozǵalysy kózdelgen.

Bul sharalar ýaqytsha jáne aınalma joldaǵy jóndeý jumystary aıaqtalǵannan keıin jol qozǵalysyn uıymdastyrý ózgertiledi.

Elordalyq PD ákimshilik polıtsııa basqarmasy júk kólikteriniń júrgizýshilerinen atalǵan ózgeristerdi nazarǵa alýdy jáne túsinistikpen qaraýdy suraıdy.

Jol qozǵalysyna qatysty búkil suraqtar men usynystar boıynsha, sondaı-aq ákimshilik aıyppulmen kelispegen jaǵdaıda Nur-Sultan qalasy PD ákimshilik polıtsııa basqarmasyna 8 (7172) 67-75-75, 71-69-77, WhatsApp 8-705-295-86-20 telefondary arqyly júginýge bolady.


Basty sózder: Nur-Sultan, Jol, Kólik,
Joǵary qaraı