Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultanda revaktsınatsııa protsesi qalaı júrip jatyr

2022 jyldyń 21 qańtar 2022 13:40

NUR-SULTAN. QazAqparat – Elordada revaktsınatsııa jumysy qalaı júrip jatyr? Astanalyqtar vaktsına jáne qaıta vaktsına alýǵa kelip jatyr ma? Osy jáne ózge de suraqtarǵa Nur-Sultan qalasy №2 emhanasy dırektorynyń emdeý isi boıynsha orynbasary Maıra Ahmetova jaýap berdi, dep habarlaıdy QazAqparat tilshisi.

«Sońǵy 2 aı bizdiń emhanada Pfizer vaktsınasyn salý belsendi júrip jatyr. Ony alýshylar - jasóspirimder men júkti jáne emizýli balasy bar analar. Osydan 2 apta ýaqyt buryn jańa qaýly shyqty, oǵan sáıkes Pfizer vaktsınasyn 60 jastan asqan egde jastaǵy kisiler de ala alady. Jalpy vaktsına jáne revaktsınatsııa protsesi qarqyndy júrip jatyr. Vaktsına kólemý jetkilikti. Qazir bizde Spýtnık laıt, QazVac, Sinofarm vaktsınasy bar. Ekpe alýshylar kóbine otandyq jáne qytaılyq vaktsınany tańdap jatyr. Taıaýda ǵana bizdiń emhanada bilim, densaýlyq saqtaý jáne kúsh qurylymy qyzmetkerleriniń vaktsına alýy aıaqtaldy», - dedi Maıra Ahmetova tilshilerdiń suraǵyna jaýap berip.




Onyń aıtýynsha, búginde atalǵan emhanada revaktsınatsııa bastalǵaly 2 myńnan astam adam ekpe alǵan.




«Eger alǵashqy vaktsına bolsa kelýshilerge QazVac pen Sinofarm-dy usynamyz. Al revaktsınaǵa Spýtnık Laıtty alýǵa keńes beremiz. Shynyn aıtý kerek, basynda jasóspirimder men júkti áıelderge vaktsına salý protsesi óte baıaý júrdi. Sebebi kóbisi ýaıymdaıdy, qorqaqtaıdy. Ýaqyt óte kele jáne halyq arasyndaǵy túsindirý jumysynyń arqasynda jaǵdaı retteldi. Qazir belsendilik bar. Balalar men júkti jáne emizýli balasy bar áıelder ózderi kelip jatyr. Bizdiń mamandar ár vaktsına alýshyny jiti tekserip, tıisti keńes beredi», - deıdi ol.













Buǵan deıin habarlaǵanymyzdaı, búgin elordada óner salasynyń qyzmetkerleri revaktsınatsııadan ótti.


Joǵary qaraı