Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda oıynshyq tapanshamen lombard tonaǵan adam ustaldy

2021 jyldyń 21 shilde 2021 13:52

NUR-SULTAN. QazAqparat – Elorda polıtseıleri oıynshyq tapanshamen lombard tonaǵan kúdiktini ustady, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

Oqıǵa keshe bolǵan. «102» pýltine astana lombardtarynyń birinen kassır habarlasyp, belgisiz er adam tapansha kezenip, 200 myń teńgeni tonap ketkeni týraly aıtqan.

Kassırdiń bergen málimeti boıynsha, kúndizgi saǵat 12.00-de medıtsınalyq maska kıgen er adam terezeden tapansha kezenip, tsellofan dorbaǵa kassadaǵy aqshanyń bárin salýdy sybyrlap buıyrǵan. Buıryq oryndalmasa, tapanshamen atyp tastaıtynyn aıtyp, qorqytqan. Kassır aıtqanyn oryndap, kassadaǵy bar aqshany tonaýshy usynǵan dorbaǵa salyp bergen.

«Oqıǵa ornyna jedel polıtsııa jasaǵy kelip, kúdiktiniń belgilerin anyqtady. Jedel basqarý ortalyǵynyń operatorlary beınekameralardy súzgiden ótkizip, kúdiktige uqsas er adamnyń izine tústi. Kadrdan onyń asyǵys júrip bara jatyp, belgisiz zatty baıqatpaı laqtyrǵany aıqyn kórinedi. Ol tastaǵan belgisiz zat – oıynshyq tapanshany basqa bir júrginshi taýyp alǵan. Kúdikti saýda úıiniń turaǵynda ustaldy. Ol qala mańyndaǵy kenttiń 28 jastaǵy turǵyny bolyp shyqty», - dep habarlaıdy polıtsııa departamentiniń baspasóz qyzmeti.

Kúdikti óz kinásin moıyndady. Qazir ýaqytsha ustaý ızolıatoryna qamaýda otyr. Atalǵan oqıǵa izimen «qaraqshylyq» baby boıynsha qylmystyq is qozǵaldy.


Avtor Esimjan Naqtybaı
Basty sózder: Qylmyspen kúres, Nur-Sultan,
Joǵary qaraı