Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda mas júrgizýshi 7 jylǵa kólik aıdaý quqyǵynan aıyryldy

2021 jyldyń 6 jeltoqsan 2021 21:08

NUR-SULTAN. QazAqparat – Elordada mas kúıinde kólik aıdap, birneshe ret apattyq jaǵdaı týyndatqan júrgizýshi 7 jylǵa kólik aıdaý quqyǵynan aıyryldy, dep habarlaıdy QazAqparat tilshisi.

«Túngi saǵat 3.00 shamasynda Jedel basqarý ortalyǵynyń beınebaqylaý kameralaryna jol erejesin óreskel buzyp, avarııalyq jaǵdaı týyndatqan Toyota markaly avtokóligi ilinedi. Elirgen júrgizýshi eki ret baǵdarshamnyń «qyzyl» túsine ótip, jaıaý júrginshini qaǵyp kete jazdady. Onyń beıbereket áreketiniń kesirinen joldaǵy ózge kólikter shatasyp, apattyq jaǵdaı týyndaǵan. Polıtsııa qyzmetkerleri kólikti jan-jaqtan qamalap toqtatty. Osydan keıin ǵana mas júrgizýshi qolǵa tústi», - dep jazady Nur-Sultan qalasy Polıtsııa departamentiniń baspasóz qyzmeti.

Ol essiz áreketiniń kesirinen endi 7 jyl kólik aıdaı almaıdy.

«Medıtsınalyq saraptama arqyly júrgizýshiniń mas ekeni dáleldendi. Jol erejesin óreskel buzǵany úshin júrgizýshiniń ústinen 6 ákimshilik hattama toltyryldy. Mamandandyrylǵan sottyń qaýlysymen tártip buzýshy 15 táýlikke qamaýǵa alynyp, 7 jyl merzimge kólik júrgizý quqyǵynan aıyryldy. Al avtokólik «aıyp turaǵyna» qamaldy», - dep jazylǵan departamenttiń dereginde.


Avtor Esimjan Naqtybaı
Basty sózder: Polıtsııa, Kólik, Jol, Zań, Qoǵam,
Joǵary qaraı