Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda MÁMS qyzmetine qatysty 1 myńnan astam shaǵym túsken

2021 jyldyń 29 shilde 2021 21:25

NUR-SULTAN. QazAqparat – Bıyl elordada mindetti áleýmettik-medıtsınalyq saqtandyrý júıesi qyzmetine qatysty 1165 shaǵym kelip túsken, dep habarlaıdy QazAqparat tilshisi.

«Bıyl І jartyjyldyqta azamattardan kelip túsken ótinish-shaǵymdarǵa qatysty jospardan tys 39 monıtorıng júrgizildi. Medıtsınalyq saqtandyrý qorynyń negizgi basymdyqtarynyń biri – patsıent quqyǵyn qorǵaý. Osy oraıda keri baılanys quraldary arqyly túsetin shaǵym-ótinishter erekshe baqylaýda. Bıyl 6 aıdyń ishinde bizge elordalyqtardan 1165 shaǵym kelip tústi. Barlyq shaǵymdar boıynsha sharalar qabyldanyp, onyń ıelerine jaýap berildi. Jospardan tys júrgizilgen monıtorıng qorytyndysy boıynsha 129 kemshilik anyqtalyp, 18,7 mln teńge kóleminde aıyppul salyndy. Mundaı jospardan tys monıtorıng jasaýdy ótken jylmen salystyrǵanda bıyl 5 esege kóp júrgizip otyrmyz», - dedi Áleýmettik-medıtsınalyq saqtandyrý qory Nur-Sultan qalasy boıynsha fılıalynyń dırektory Nurlybek Qabdyqaparov ZOOM platformasynda ótken baspasóz máslıhatynda.

Onyń aıtýynsha, turǵyndar kóbine kórsetilgen medıtsınalyq kómektiń sapasyna, konsýltatıvtik-dıagnostıkalyq qyzmetterdiń qoljetimsizdigine (qural-jabdyqtardyń bolmaýy, kezekti kóp kútý, joldama bermeý, kadr jetispeý) jáne taǵys basqa medıtsınalyq qyzmetterge shaǵymdanady.

«Aryz-shaǵymdardyń kóbisi medıtsınalyq kómek kórsetýdi durys uıymdastyrýǵa qatysty. Ol máselelerdiń sheshimi sol medıtsına mekemesinde nemese Densaýlyq saqtaý basqarmasynda sheshimin tabýy tıis. Osy oraıda bizdiń qor medıtsına qyzmetkerleri úshin biliktilikti arttyrý (onlaın) semınarlaryn ótkizýdi uıymdastyryp jatyr. Medıtsınalyq uıymdar patsıentterdi qoldaý jáne ishki aýdıt qyzmetteriniń jumysyn jolǵa qoıýy, tirkelgen turǵyndardyń muqtajdyqtaryna jaýapkershilikpen qaraýy qajet», - deıdi ol.

Aıta ketsek, elorda turǵyndary MÁMS júıesindegi saqtandyrý mártebesi nemese medıtsınalyq kómek alý boıynsha suraqtarǵa jaýapty qordyń elordalyq fılıalyna 1406 baılanys ortalyǵyna habarlasý jáne Qoldau 24/7 mobıldi qosymshasy, Telegram-daǵy SaqtandyryBot, qordyń fms.kz saıty arqyly qosymsha aqparattardy ala alady.


Joǵary qaraı