Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda kópirden sýǵa sekirip ketken 15 jastaǵy qyzdy 2 jigit qutqardy

2021 jyldyń 24 qazan 2021 18:55

NUR-SULTAN. QazAqparat – Elordada kópirden sýǵa sekirip ketken 15 jastaǵy qyzdy 2 jigit qutqardy. Bul jaıynda Nur-Sultan qalalyq tótenshe jaǵdaılar departamentinen málim etti, dep habarlaıdy QazAqparat tilshisi.

«24 qazan kúni saǵat 14-33-te Nur-Sultan qalalyq tótenshe jaǵdaılar departamentiniń jedel qutqarý otrıadynyń qutqarýshylary «Atyraý» kópirinen jasóspirim qyz balanyń sýǵa sekirip ketkendigi týraly habarlama alyp, oqıǵa ornyna attandy. Sol jerden ótip bara jatqan eki adam balanyń sýǵa sekirip ketkenin kórip, ile-shala sýǵa súńgigen. Qutqarýshylar jetken kezde eki adam es-tússiz jasóspirimdi jaǵaǵa jetkizýge tyrysyp jatty. Qutqarýshylar balany qaıyqqa salyp alyp, alǵashqy medıtsınalyq kómek kórsetý úshin shuǵyl jedel qutqarý otrıadynyń ortalyǵyna attandy. Baqytyna oraı, 2006 jyly dúnıege kelgen qyz qutqaryldy. Oqıǵa ornyna Polıtsııa departamenti men jasóspirimniń ata-anasy shaqyryldy», - delingen vedomstvo baspasóz qyzmeti taratqan aqparatta.

Sonymen qatar Nur-Sultan qalalyq tótenshe jaǵdaılar departamenti jasóspirim qyzdy qutqarý úshin ózenge ile-shala súńgigen eki er adamdy izdep jatyr.

Foto: instagram.com/eto_astana_detka
Avtor Marlan Jıembaı
Basty sózder: Nur-Sultan, Oqıǵa,
Joǵary qaraı