Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultanda kınoteatrlar men meshitter jabylyp, kópshilik sharalarǵa tyıym salyndy

2022 jyldyń 12 qańtar 2022 18:25

NUR-SULTAN. QazAqparat – Elordada epıdahýaldyń nasharlaýyna baılanysty teatr, kınoteatr jumysy toqtatyldy. Odan bólek, kópshiliktiń qatysýymen ótetin sharalarǵa tyıym salyndy. Bul týraly Nur-Sultan qalasynyń bas memlekettik sanıtar dárigeri Sarhat Beısenova málim etti, dep habarlaıdy QazAqparat tilshisi.

«Búginnen bastap meniń jańa qaýlyma sáıkes, elordanyń «qyzyl» aımaqqa qaıta enýine baılanysty ǵımarat ishinde jáne syrtta kópshiliktiń qatysýymen ótetin sharalarǵa tyıym salynady. Onyń ishinde otbasylyq jáne basqa da merekelik is-sharalar bar. Al eske alý sharasyn «Ashyq» jobasyna qatysatyn mekemede ótkizýge bolady. Biraq 30 adamnan artyq jınalýǵa bolmaıdy», - dedi Sarhat Beısenova qala ákimdiginde onlaın ótken baspasóz máslıhatynda.

Sondaı-aq, bas sanıtar dáriger birneshe áleýmettik nysannyń qyzmetine tyıym saldy.

«Ashyq» jobasyna qatysatyndyǵyna qaramastan kontsert zal, fılarmonııa, teatr, kınoteatr, tsırk qyzmetine tyıym salynady. Jáne jurtshylyqtyń qatysýymen ótetin juma namaz basqa da dinı sharalar ótkizýge ruqsat joq. Odan bólek, konferentsııa, semınar, forým ótkizý men karaoke, túngi klýbtardyń jumysy toqtatyldy», - deıdi ol.

Sonymen qatar elordada tamaqtaný oryndarynda bardyń qyzmetine de tyıym salyndy.


Joǵary qaraı