Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda QHA-nyń 25 jyldyǵyna arnalǵan konferentsııa ótip jatyr

2020 jyldyń 15 qyrkúıek 2020 13:47

NUR-SULTAN. QazAqparat - Búgin astanadaǵy Dostyq úıinde «Qazaqstan halqy assambleıasyna 25 jyl: syn-qaterler, jetistikter, tájirıbe» atty halyqaralyq ǵylymı-tájirıbelik konferentsııa ótip jatyr.

QHA Tóraǵasynyń orynbasary ıÝsýp Kelıgovtyń aıtýynsha, qazaqstandyq etnostardyń kóptildiligi daý-damaıǵa aınalǵan joq, kerisinshe básekege qabiletti artyqshylyqqa aınaldy, dep habarlaıdy QazAqparat tilshisi.

«Búgingi ǵylymı-praktıkalyq konferentsııa osy 25 jyl ishinde Assambleıanyń qalyptasýynyń barlyq kezeńderin qamtıdy. Biz shırek ǵasyrda uzaq joldan óttik. 1995 jyly memleketimizdiń qurylýynyń basynda Nursultan Ábishuly Nazarbaevtyń bastamasymen Qazaqstanda turatyn barlyq etnostardy biriktiretin Qazaqstan halqy Assambleıasy quryldy. 90-jyldardyń basynda búkil álem Qazaqstan kópultty bolǵandyqtan qurdymǵa ketip, dúnıejúzilik kartadan joǵalady dep boljady. Kópulttylyqtyń – arty ultaralyq qaqtyǵystar men janjaldar týdyratyn, jarylyp ketý qaýpi bar ydysqa uqsaıdy. Halyqaralyq dárejedegi boljamdar Qazaqstan halqyn bir shańyraq astyna biriktirgen Elbasymyzdyń dana saıasatynyń arqasynda júzege aspady. Qazaqstandyq etnostardyń kóptildiligi daý-damaıǵa aınalmaı, básekege qabiletti artyqshylyqqa aınaldy. Búginde onyń nátıjesin kóre bastadyq», - deıdi . QHA Tóraǵasynyń orynbasary ıÝsýp Kelıgov.




Onyń aıtýynsha, Assambleıa 25 jylda kóp jetistikke qol jetkizdi. Búgingi tańda Qazaqstanda ár etnos úshin barlyq jaǵdaı jasalǵan jáne olardyń mádenıetin, salt-dástúri men ádet-ǵurpyn saqtaýǵa teń múmkindik jasaldy. Elimizdiń barlyq aımaǵynda jaqsy jumys istep jatqan, óz mádenıetin damytyp, óz tilin úırenetin Dostyq úıleri bar.





«Jaqynda biz óz mádenıetimizdi damytýmen qatar, memlekettik til – qazaq tilin úırenýge tyrysyp jatyrmyz, ol keıinirek ultaralyq qatynas tili bolady dep oılaımyz. Meniń oıymsha, álemde Nazarbaevtyń atymen atalatyn model – barlyq elden kelgen adamdar tájirıbesin zertteýge arnalǵan Qazaqstan halqy Assambleıasy ınstıtýty. Instıtýttyń halyqaralyq qoǵamdastyqqa yqpaly zor. Eger bizdiń Tuńǵysh Prezıdentimiz Nursultan Ábishuly Nazarbaev júrgizip otyrǵan saıasat bolmasa, munyń bári múmkin bolmas edi.




Beıbitshilik pen tynyshtyq ornaýyna barlyq etnos ókilderiniń, sonyń ishinde ekonomıkalyq damýymyzǵa yqpal etken Nursultan Nazarbaevtyń úlesi zor. Qazaqstan búkil álemge tanymal memleketke aınaldy. Qazaqstannyń qazirgi ustanymyn qosymsha túsindirýdi qajet etpeıdi. Biz beıbitshilik pen kelisimde, teń múmkindiktermen ómir súrip jatyrmyz. QR Aqparat jáne qoǵamdyq damý mınıstrligi janyndaǵy etnosaralyq qatynastardy damytý departamentiniń qurylýynyń arqasynda Qazaqstan halqy assambleıasy jańa tynys aldy», - deıdi ıÝsýp Kelıgov.
































Joǵary qaraı