Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda QHA keńesiniń keńeıtilgen otyrysy bastaldy

2021 jyldyń 21 qazan 2021 11:03

NUR-SULTAN. QazAqparat – Elordada QR Prezıdenti Qasym-Jomart Toqaevtyń tóraǵalyǵymen Qazaqstan halqy Assambleıasy Keńesiniń keńeıtilgen otyrysy bastaldy, dep habarlaıdy QazAqparat.

Etnomádenı birlestikterdiń ókilderi etnosaralyq kelisimdi nyǵaıtý jónindegi mańyzdy máseleler men assambleıa aldynda turǵan jańa mindetterdi talqylaıdy dep kútilýde. Qazirgi zamanǵy jahandyq jáne óńirlik syn-qaterler qazaqstandyqtardyń birligin odan ári nyǵaıtýdy yntalandyrady. Kópetnosty qatynastardyń otandyq modeli jańa qaýip-qaterlerge qarsy turýdyń qalqanyna aınalyp otyr.

QHA janynda saraptamalyq keńester, klýbtar jáne eriktiler jasaqtary jumys isteıdi.

Eske salsaq, 2021 jylǵy 9 maýsymda Keńes quramy jańartyldy: Keńes quramy 76 músheden, buryn 72 músheden turǵan, oǵan el basshylyǵy, Prezıdent Ákimshiligi, Tuńǵysh Prezıdent - Elbasy keńsesi, Aqparat jáne qoǵamdyq damý, mádenıet jáne sport, Bilim jáne ǵylym mınıstri, Nur-Sultan, Almaty, Shymkent qalalarynyń, oblystardyń ákimderi kirdi, olar da jergilikti jerlerdegi QHA tóraǵalary bolyp tabylady. Keńestiń 10 múshesi Parlament Májilisinen ókildik etedi, Keńestiń eki múshesi – Parlament Senatynyń depýtaty.


Joǵary qaraı