Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda «Qazaqstannyń óńdeý ónerkásibi aptalyǵy» halyqaralyq kórmesi ashyldy

2021 jyldyń 22 qyrkúıek 2021 17:14

NUR-SULTAN. QazAqparat - Búgin Nur-Sultanda «Qazaqstannyń óńdeý ónerkásibi aptalyǵy» halyqaralyq kórmesi ashyldy, dep habarlaıdy QazAqparat QR Indýstrııa jáne ınfraqurylymdyq damý mınstrliginiń Telegram kanalyna silteme jasap.

Jalpy 10 000 sharshy metr kórme alańynda Qazaqstan Respýblıkasy men taıaý shetelderdiń ındýstrııalyq damýy salasyndaǵy jetistikteri usynylǵan. Qazaqstan, Reseı, AQSh, Japonııa, Ulybrıtanııa, Shvetsııa, Shveıtsarııa, Qytaı, Danııa, Belarýs, Polsha, Chehııa, Germanııanyń 200-den astam kompanııalary mashına jasaý, taý-ken metallýrgııa kesheni, hımııa ónerkásibi, aǵash óńdeý jáne jıhaz ónerkásibi, qurylys materıaldary óndirisi jáne sý ındýstrııasy salalaryndaǵy jańa ónimderin usynyp otyr.




Qatysýshylar qatarynda SaryArkaAutoprom, Agromashholding, Hyundai Trans Kazakhstan, KazAzot, Tengizchevroil, Vericut, Mitutoyo, HEXAGONMI, ESAB, Grundfos Kazakhstan, QuantRobotics, Kazakhmys, Penetron-Kazakhstan, ArcelorMittal, Kulan OilKidel, Kilit OilTel, KSPC, Qazaqstan elektrolız zaýyty, KELET, Almaty aýyr mashına jasaý zaýyty, W&T Group jáne taǵy basqalary bar.

Ujymdyq stendter aıasynda Reseı Federatsııasy aımaqtarynyń kásiporyndary da óz ónimderin usyndy: Sverdlov oblysy, Bashqurtstan Respýblıkasy, Ýdmýrt Respýblıkasy jáne Penza oblysy.




Jalpy baǵdarlama aıasynda 30-dan astam is -sharalar ótkiziledi, onyń ishinde kompanııa basshylarynyń, jetekshi ónerkásiptik oıynshylardyń, salalyq qaýymdastyqtar men mamandandyrylǵan memlekettik mekemelerdiń qatysýymen paneldik talqylaýlar, salalyq konferentsııalar men dóńgelek ústelder josparlanǵan. Talqylaý óńdeýshi sektordy damytýdyń ózekti máselelerine, memlekettik qoldaý sharalaryna, jahandyq tendentsııalar men halyqaralyq yntymaqtastyqqa baǵyttalǵan.











Joǵary qaraı