Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda ınfektsııa statsıonarlarynda tósek-oryn sany artty

2021 jyldyń 29 shilde 2021 22:17

NUR-SULTAN. QazAqparat - Elordada koronavırýspen juqtyrǵandar sanynyń ósýine baılanysty KVI jáne pnevmonııamen aýyratyn naýqastardy emdeý úshin qosymsha tósekter ornalastyryldy.

Máselen, kovıdke qaıta beıindelgen eki statsıonarda ınfektsııalyq tósek sany 400-ge deıin artty.

Buǵan deıin qoǵamdyq densaýlyq saqtaý basqarmasy qosymsha tósek-oryn sanyn jáne reanımatsııa bóliminde 80-nen astam tósek-oryn sanyn kóbeıtken edi.

Qaıta beıindelgen 16 kovıdtik statsıonarda jalpy sany 4 myńǵa jýyq ınfektsııalyq tósek bar.

«Reanımatsııalyq tósek-orynnyń bir de bireýi bos bolmaǵan kúnder boldy. Bul biz úshin qıyn kezeń boldy. Baqytymyzǵa oraı, patsıentter jazylyp, qaıtadan palataǵa aýystyryldy. Degenmen, ókinishtisi, palataǵa da, úıine de orala almaǵan naýqastar boldy. Azamattarǵa ekpeniń mańyzdylyǵyn taǵy da eske salǵym keledi. Tek vaktsınatsııa óz densaýlyǵyńyzdy, sondaı-aq jaqyndaryńyzdyń densaýlyǵyn qorǵaýǵa múmkindik beredi», - dedi basqarma basshysy Tımýr Muratov.

Buǵan deıin Muratov reanımatsııa bólimine KVI-ge qarsy ekpe almaǵan patsıentter túsetinin atap ótken.

Onyń aıtýynsha, naýqastardyń jaǵdaıy 2-3 kún ishinde kúrt nasharlap ketedi.

Dárigerler kesh bolmaı turǵanda ekpe alýǵa shaqyrady.

«Tek vaktsınanyń kómegimen siz koronavırýsty jeńe alasyz» deıdi mamandar.


Basty sózder: Nur-Sultan, Medıtsına, Koronavırýs,
Joǵary qaraı