Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda erekshe kútimdi qajet etetin balalarǵa arnalǵan eki ońaltý ortalyǵy ashyldy

2020 jyldyń 3 shilde 2020 23:40

NUR-SULTAN. QazAqparat – Elordada erekshe kútimdi qajet etetin balalarǵa arnalǵan eki ońaltý ortalyǵy jumysyn bastady, dep habarlaıdy QazAqparat tilshisi qala ákimdiginiń baspasóz qyzmetine silteme jasap.

Birinshi ońaltý ortalyǵy Bolat Ótemuratov qorymen birlesip ashylyp otyr. Ortalyqta aýtızm dıagnozy bar balalarmen jumys júrgiziledi. Ortalyqtyń ashylýy aýtıstik spektrdegi aýytqýy bar balalardy 50%-dan kóbirek qamtýǵa múmkindik beredi.

«Ekinshi ońaltý ortalyǵy da osy ortalyq ornalasqan jańa turǵyn úı kesheniniń (Ýálıhanov, 23) birinshi qabatynda ornalasqan. Ortalyq kúnine 200 kelýshige deıin qabyldaı alady. Onda BTsP, aýtızm jáne basqa da aýrýlary bar erekshe kútimdi qajet etetin balalarmen aınalysatyn bolady», - delingen ákimdiktiń Instagram paraqshasyndaǵy habarlamasynda.

Alty jasar ul balanyń anasy Elnara Sharafýtdınovanyń aıtýynsha, mundaı ortalyqtar erekshe balalardy ońaltý úshin óte qajet.




«Buryn bizge túrli emhanalar men ortalyqtarǵa barýǵa týra keletin edi. Qazir balany ońaltý úshin barlyq qajetti qyzmetti osy ortalyqtan, bir jerden alýǵa bolady», - deıdi Elnara Sharafýtdınova. ⠀





Qymbat Kereıbaı atty taǵy bir ana balasymen ońaltý ortalyqtaryna baratynyn aıtady.

«Óz kezegimizdi kútip qalatyn kezder de bolady, sebebi basqa da balalar bar ekenin túsinemiz. Men ortalyqtarǵa barǵannan keıingi nátıjelerdi baıqaımyn. Meniń balam alǵashqy qadam jasaı bastady. Elordada ońaltý ortalyqtarynyń kóbeıip jatqany qýantady. Sebebi qalada erekshe 5,5 myń bala bar. Ońaltý ortalyqtarynyń ashylýy balalardy kóptep qamtýǵa jáne ortalyqtarǵa jıi barýǵa múmkindik beredi», - deıdi ol. ⠀




Qala ákimdigi Memleket basshysynyń tapsyrmasy boıynsha erekshe kútimdi qajet etetin adamdar úshin jaǵdaı jasaý jumystaryn júıeli túrde júrgizýde. Ippodrom bazasynda ıppoterapııamen aınalysýǵa arnalǵan jabyq manej qurylysy bastalyp ketken. Jańa ǵımarattardyń birinshi qabattarynda áleýmettik nysandar (balalarǵa arnalǵan shaǵyn ortalyqtar, ońaltý ortalyqtary, balabaqshalar) ashylýda. Invataksı sany eki ese ósken.

Jastar saraıy ǵımaratyndaǵy erekshe kútimdi qajet etetin adamdar úshin qoljetimdi bolatyn basseınge de jóndeý jumystary júrgizilip jatyr.






Basty sózder: Medıtsına, Nur-Sultan,
Joǵary qaraı