Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda dezınsektsııa jumystarynyń tórtinshi kezeńi bastaldy

2020 jyldyń 16 shilde 2020 17:53

NUR-SULTAN. QazAqparat - Qalada kvartalishilik aýmaqtar men qoǵamdyq oryndardy óńdeýge erekshe kóńil bólinedi, dep habarlaıdy QazAqparat Nur-Sultan ákimdiginiń resmı saıtyna silteme jasap.

Elordada masa men shybyn-shirkeılerge qarsy dezınsektsııa jalǵasýda. 15 shildede zııankesterge qarsy óńdeýdiń kezekti, tórtinshi kezeńi bastaldy.

Qalalyq qorshaǵan ortany qorǵaý jáne tabıǵatty paıdalaný basqarmasy bastyǵynyń orynbasary Janar Beskempirova dezınsektsııa jumystary elordanyń barlyq tórt aýdanynda bir ýaqytta bastalǵanyn aıtty.





«15 kúnniń ishinde jumys búkil qala boıynsha, onyń ishinde shet aımaqtarda da jalǵasady. Óńdeý kezinde masalarǵa qarsy «Agran», shybyn-shirkeılerge qarsy «Faskon» sııaqty preparattar qoldanylady», – dep túsindirdi J. Beskempirova.

Jumys masalardyń únemi ósý-kóbeıý oryndarynda jáne elordanyń aınalasyndaǵy barlyq sý qoımalarynda, qorǵanys tosqaýylynda júrgiziletin bolady.








Qalanyń kvartalishilik aýmaqtary men qoǵamdyq aýmaqtar – kósheler, saıabaqtar men skverlerdi óńdeýge erekshe kóńil bólinedi.

Jalpy osy jazda zııankestermen kúrestiń bes kezeńi ótedi.



Basty sózder: Nur-Sultan, Qaýipsizdik,
Joǵary qaraı