Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda bıyl 2 otbasylyq densaýlyq ortalyǵy ashylady

2021 jyldyń 28 qazan 2021 17:17

NUR-SULTAN. QazAqparat – Elordada jyl sońyna deıin 2 otbasylyq densaýlyq ortalyǵy ashylady. Bul týraly Nur-Sultan qalalyq qoǵamdyq densaýlyq saqtaý basqarmasy basshysynyń mindetin atqarýshy Álııa Rústemova aıtty, dep habarlaıdy QazAqparat tilshisi.

«2018-2020 jyldary aralyǵynda jaıaý 20 mınýttyq jerdegi qoljetimdilikti qamtamachyz etetin «Úıdegi dáriger» 30 nysany ashyldy. Onyń 25-i jeke ınvestıtsııa tartý arqyly júzege asyryldy jáne 260 myńnan astam turǵyndy qamtıdy. Al altaýy qalanyń shetkeri aımaqtarynda ornalasqan. Bıyl mundaı 10 nysan ashý josparlanǵan», - dedi ol qalalyq máslıhattyń turaqty komıssııasy otyrysynda.

Onyń aıtýynsha, jyl sońyna deıin 2 otbasylyq densaýlyq ortalyǵy ashylady.

«Shıpager» otbasylyq densaýlyq ortalyǵy» JShS-niń 2 nysany bar. Bireýi Turan dańǵyly 55 mekenjaıynda ornalasqan. Nysanǵa jóndeý jumystar júrgizilip jatyr jáne 15 jeltoqsanda ashylady. Ortalyq 14 400 adamǵa qyzmet kórsetedi. Kelesi ortalyq - Saýran kóshesi 15 mekenjaıynda. Ol jerde de jóndeý jumystary júrgizilip jatyr jáne qarashanyń ortasynda aıaqtalady. Onda shamamen 3,5 myń turǵynǵa arnalǵan eki ýchaske bolady», - dedi Álııa Rústemova.


Avtor Marlan Jıembaı
Basty sózder: Medıtsına, Qoǵam, Nur-Sultan,
Joǵary qaraı