Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda Bırja komıtetiniń Ahýaldyq ortalyǵy ashyldy

2021 jyldyń 17 maýsym 2021 09:10

NUR-SULTAN. QazAqparat - Elordada Memleket basshysynyń tapsyrmasyn oryndaý aıasynda uıymdastyrylǵan QR Básekelestikti qorǵaý jáne damytý agenttigi janyndaǵy bırja komıtetiniń Ahýaldyq ortalyǵy óz jumysyn bastady, dep habarlaıdy primeminister.kz.

Ahýaldyq ortalyq bırjalyq saýda-sattyq barysyn onlaın rejımde qadaǵalaý, bırjalyq jáne bırjadan tys baǵa belgilenimderine monıtorıng júrgizý jáne bırjalyq saýdaǵa monopolııaǵa qarsy talaptardy saqtaý úshin quryldy. Ahýaldyq ortalyqtyń ashylýyna QR Premer-Mınıstriniń orynbasary Roman Sklıar qatysty.

Ol birqatar taýarlardyń saýda-sattyǵyn iske qosý boıynsha bırjalyq komıtettiń atqarǵan jumysynyń tıimdiligin atap ótip, qysqa merzimde saýda tetikterin odan ári jetildirý, naryqqa qatysýshylardy tartý jáne oqytý máselelerin sheshý mindetin qoıdy.
Ahýaldyq ortalyqtyń ashylýyna saýda jáne ıntegratsııa mınıstri Baqyt Sultanov, energetıka vıtse-mınıstri Áset Maǵaýov, otandyq jáne halyqaralyq taýar bırjalarynyń ókilderi qatysty.
Tusaýkeser barysynda Qazaqstannyń iri taýar bırjalarynyń basshylary janarmaı, bıtým, kommýnaldyq-turmystyq kómirdiń shaǵyn partııalary saýdasynyń nátıjelerin usyndy, olardy satý bırjalyq platformalar arqyly alǵash ret 2021 jyly bastaldy.
Osylaısha, kommýnaldyq-turmystyq kómirdi taýar bırjalary arqyly satý tetigi deldaldardyń sanyn qysqartýǵa múmkindik berdi jáne óńirlik operatorlardyń kómirdi razrezderdiń ózinen satyp alýǵa tikeleı qol jetkizýin qamtamasyz etti, bul halyq úshin otynnyń osy túriniń túpkilikti qunyn tómendetýge múmkindik beredi.
Alǵashqy saýda-sattyq nátıjeleri boıynsha taýar bırjalary arqyly 51 mln teńgeden astam somaǵa «Qarajyra» AQ óndirgen 9 100 tonna (80%) kómir satyldy, oǵan 8 óńirlik tuıyqtardyń satyp alýshylary qatysty.
«Shubarkól Kómir» AQ kenishinen 703 mln teńgeden astam somaǵa 89 080 tonna (60%) satyldy, saýdaǵa 15 óńirlik tuıyqtardyń satyp alýshylary qatysy.

Joǵary qaraı