Aýa raıy
Astana 19 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda bir mektepti uzaq basqarǵan dırektorlardy aýystyrý usynyldy

2019 jyldyń 13 qarasha 2019 21:29

NUR-SULTAN. QazAqparat – Elorda ákiminiń orynbasary Baqtııar Máken 15-20 jyl bir laýazymda otyratyn mektep dırektorlary týraly aıtyp berdi, dep habarlaıdy QazAqparat tilshisi.

«Qazir arnaıy monıtorıng júrgizip jatyrmyz. Onda mektep basshylarynyń kópshiliginiń 5 jyldan artyq bir qyzmette otyrǵanyn anyqtadyq. Keıbiri 15, 17, 20 jyl boıy qyzmet aýystyrmaǵan. Bir mekemeniń basshylyq qyzmetinde uzaq jumys isteýi beıresmı baılanystardyń nyǵaıtyp, basshynyń belsendiligin tómendetip, sybaılastyq syn-qater qaýpin týdyrady», - dedi B. Máken QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen qala ákimi Altaı Kólginovtiń kezdesýinde.

Osyǵan baılanysty, ákim orynbasary mektep dırektorlaryn aýystyrýdy usyndy.

«Memlekettik qyzmettegi oń tájirıbesi boıynsha, qala basshylyǵyna jalpy bilim beretin mekemelerdiń basshylaryna pılottyq rotatsııa júrgizý usynyldy», - dedi ákim orynbasary.

Aıta keteıik, buǵan deıin Baqtııar Máken mektepte demalý bólmesin jasap alǵan dırektorlardy synǵa aldy.

Avtor Aıjan Serikjanqyzy
Basty sózder: Nur-Sultan, Bilim, Ákimdik,
Joǵary qaraı