Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultanda bala kútýshi birneshe aı boıy úı ıesin tonap kelgen

2022 jyldyń 23 qańtar 2022 05:43

NUR-SULTAN. QazAqparat - Polıtsııa qyzmetkerleri jedel-izdestirý sharalarynyń barysynda iri urlyq jasady degen kúdikpen 22 jastaǵy qyzdy ustady, dep habarlaıdy QazAqparat Nur-Sultan qalasyndaǵy polıtsııa departamentiniń baspasóz qyzmetine silteme jasap.

2021 jyldyń qarasha aıynan bastap qazirgi ýaqytqa deıin kútýshi bolyp jumys isteıtin qyz jumys berýshiden 1 mıllıon teńge kóleminde aqsha, zergerlik buıymdar, gadjet jáne kıimder urlap kelgen.

Aryzdanýshynyń aıtýynsha, ol kútýshini jumyspen qamtý agenttigi arqyly tapqan.

Bastapqyda qyz eki balaǵa qarap, senimge kirip, otbasyn júıeli túrde tonaı bastaǵan. Basynda aqsha joǵala bastady, ony jábirlenýshi baıqamady.

Kútýshi altyn buıymdardy, kıim-keshek pen gadjetti urlaı bastaǵanda kúdiktene bastaǵan úı ıesi polıtsııaǵa habaraǵan.

Kútýshi turatyn bólmeni tekserý barysynda polıtseıler urlanǵan zattardyń bárin taýyp, tárkiledi.

Atalǵan is boıynsha sotqa deıingi tergeý amaldary júrip jatyr.

Kúdikti óz kinásin moıyndap, elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilýde.

Nur-Sultan qalasynyń polıtsııa departamenti azamattarǵa beıtanys adamdarǵa senbeýdi jáne baǵaly zattardy qaraýsyz qaldyrmaýdy eskertedi.


Basty sózder: Bala, Polıtsııa, Nur-Sultan, Oqıǵa,
Joǵary qaraı