Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda alty mekeme karantın talabyn buzdy

2021 jyldyń 11 maýsym 2021 21:50

NUR-SULTAN. QazAqparat - Elordanyń monıtorıngtik toptary birneshe aıdan beri kúsheıtilgen rejımde jumys istep, qalanyń kásipkerlik nysandary arasynda karantın buzýshylardy anyqtaýda.

Ótken táýlikte Nur-Sultanda karantın tártibi alty mekemede buzylǵany anyqtaldy. Bul týraly QazAqparat qala ákimdiginiń resmı saıtyna silteme jasap habarlaıdy.

Monıtorıngtik toptar birqatar mekemelerdi ákimshilik jaýapqa tartty.

Saryarqa aýdanyndaǵy Kenesary kóshesi, 8 meken-jaıynda ornalasqan «Adem» qonaq úıiniń qyzmetkerleri jurtshylyqqa betperdesiz qyzmet kórsetken. Bul sátte ǵımaratta 9 adam bolǵan.

Esil aýdanyndaǵy Dostyq kóshesi, 18 meken-jaıynda ornalasqan «Back to Hemingway» bary karantın rejımin buzyp, kalıan shegý qyzmetin usynǵan. Al Turan dańǵyly, 2 meken-jaıyndaǵy «Aura Alanya» túngi klýby tún ortasynan keıin jabyq esik arqyly jumys istedi.

Bas sanıtarlyq dárigerdiń qaýlysynyń buzylýy Azerbaev kóshesi, 47 meken-jaıyndaǵy «One shot» kompıýterlik klýbynda jáne Almaty aýdanyndaǵy Qordaı kóshesi, 50 úıde ornalasqan «Home bar» barynda anyqtaldy.

Monıtorıngtik top Baıqońyr aýdanyndaǵy Pýshkın kóshesi, 9 meken-jaıynda ornalasqan «Achıchýk» kafesinde bir ústeldegi qonaqtar sany tym kóp ekenin anyqtady. Bir ústelde 8 adamnan artyq bolǵany belgili boldy.

Jınalǵan materıaldyń bári tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.

Esterińizge sala keteıik, Nur-Sultan epıdemıologııalyq jaǵdaıdy baǵalaý matrıtsasy boıynsha «qyzyl» aımaqta. Qaladaǵy epıdemıologııalyq jaǵdaı áli de turaqsyz. Elorda turǵyndary men qonaqtary, sondaı-aq kásipkerlik nysandary koronavırýstyq ınfektsııanyń odan ári taralýyn boldyrmas úshin sanıtarlyq normalar men karantın talaptaryn qatań saqtaýy kerek.


Basty sózder: Nur-Sultan, Koronavırýs, Karantın,
Joǵary qaraı