Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda alıment tólemeı júrgen boryshkerdiń djıpi tárkilendi

2021 jyldyń 2 naýryz 2021 22:52

NUR-SULTAN. QazAqparat - Boryshkerdiń alıment tólemegeni úshin kezekti jol talǵamaıtyn kóligi tárkilendi, dep habarlaıdy QazAqparat Nur-Sultan qalasynyń jeke sot oryndaýshylarynyń óńirlik palatasynyń (JSO) baspasóz qyzmetine silteme jasap.

Boryshker sot sheshimin qasaqana oryndamaǵan jáne sot oryndaýshysymen baılanysqa shyqpaǵan. Buǵan qosa sot sheshimin elemegen.

«Nur-Sultan qalasynyń JSO is júrgizýinde azamatsha N-dan azamatsha M-nyń paıdasyna 3 361 869 (úsh mıllıon úsh júz alpys bir myń segiz júz alpys toǵyz) teńge mólsherinde alıment jáne bereshek óndirip alý týraly sot buıryǵy bar. Boryshkerdiń 2006 jyly shyqqan «CADILLAC ESCALADE» markaly avtokóligi tárkilenip, májbúrlep satýǵa berildi», - deıdi Nur-Sultan qalasy JSO óńirlik palatasynyń orynbasary Mádına Janasaeva.

Saýda-sattyq ótip, mashına 5 135 000 teńgege satylǵan.


Basty sózder: Kólik, Zań, Nur-Sultan,
Joǵary qaraı