Aýa raıy
Astana 11 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda 70 myń adamǵa jeterlik paratsetamol 30 mınýtta satylyp ketken

2020 jyldyń 2 shilde 2020 16:40

NUR-SULTAN. QazAqparat –70 myń adamǵa arnalǵan paratsetamol mólsherin Nur-Sultan turǵyndary jarty saǵattyń ishinde satyp alyp ketken. Al kóp ótpeı bul preparattar ınternette satyla bastaǵan. Bul derekpen Densaýlyq saqtaý mınıstri Alekseı Tsoı bólisti, dep habarlaıdy QazAqparat tilshisi.

«Keshe Nur-Sultan qalasynda 70 myń adamǵa arnalǵan paratsetamol dárisiniń mólsheri dárihanalarǵa taratylǵan bolatyn. Jarty saǵattyń ishinde ǵana onyń bári satylyp ketti. Qazirgi ýaqytta ınternette bul dáriler qaıta satyla bastaǵanyn kórip otyrmyz. Bizdiń ýákiletti organdarymyz bul máseleni jiti baqylaýyna alady. Syrqattaný jaǵynan elordada osynshama paratsetamoldy qajet etetindeı naýqastar sany joq. Tıisinshe bul preparattardy keıbireýler satyp alyp, qymbatqa satyp jatyr degen sóz. Jetispeýshilik osylaısha qoldan jasalyp otyr nemese dene qyzýy joq adamdar dárini satyp alýda», - dedi Alekseı Tsoı OKQ-da ótken baspasóz máslıhatynda.

Eske sala ketsek Alekseı Tsoı buǵan deıin Qazaqstanǵa paratsetamoldyń 700 myń qaptamasy jetkizilgenin, taǵy 800 myńy kútilip otyrǵanyn habarlaǵan edi.


Joǵary qaraı