Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda 41 mektep sanıtarlyq talaptardy buzǵan

2020 jyldyń 23 qazan 2020 17:30

NUR-SULTAN. QazAqparat – Elorda mektepteriniń kezekshi synyptarynda sanıtarlyq talaptar buzylǵan. Bul týraly Nur-Sultan qalasy Bilim berý basqarmasynyń basshysy Sholpan Qadyrova aıtty, dep habarlaıdy QazAqparat tilshisi.

«Nur-Sultan qalasy Taýarlar men kórsetiletin qyzmetterdiń sapasy men qaýipsizdigin baqylaý departamenti janynan bilim berý uıymdarynda sanıtarlyq talaptardy saqtaý jónindegi mobıldi toptar quryldy. Oqý jylynyń basynan beri 105 mektep – 89 memlekettik jáne 16 jekemenshik mektep tekserildi. Onyń ishinde 41 mektepte buzýshylyqtar anyqtaldy. Bir mektepke 230 AEK (1 AEK – 2 651 teńge) kóleminde aıyppul salyndy. 37 balabaqsha tekserildi, onyń 18-i memlekettik jáne 19-y jeke menshik. 12 balabaqshada talaptar buzylyp, úsh balabaqsha boıynsha ákimshilik sharalar qabyldandy», - dedi Sholpan Qadyrova elorda ákimdiginde ótken onlaın brıfıngte.

Bilim berý uıymdary basshylarynyń jaýapkershiligi boıynsha da jumys júrgizilgen. Materıaldar komıssııanyń qaraýynda jatyr.

«Kún saıyn bilim berý uıymdarynyń basshylarymen kezdesýler ótkizemiz. Árıne, sanıtarlyq sharalardy saqtaý máselelerin talqylaımyz», - deıdi Sh. Qadyrova.

Aıta keteıik, oqý jylynyń basynan beri elordada 18 bala COVID-19 vırýsyn juqtyrdy. Onyń 14-i qashyqtan oqyǵan, tórteýi – kezekshi synyp oqýshylary.


Joǵary qaraı