Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda 16 myń úleskerdiń 13 myńynyń máselesi sheshildi

2021 jyldyń 5 jeltoqsan 2021 05:20

NUR-SULTAN. QazAqparat - Nur-Sultanda 16 myń úleskerdiń 13 myńynyń máselesi sheshildi. 2021 jyly Nur-Sultanda taǵy 57 turǵyn úı qurylysy aıaqtalady, osylaısha 7 myńnan astam 500 úlesker-otbasynyń máselesi sheshiledi. 2022-23 jyldary qalǵan kópqabatty úılerdi aıaqtaý josparlanýda. Úleskerler máselesin sheshý týraly Nur-Sultan qalasynyń ákimi Altaı Kólginov OKQ alańynda ótken brıfıng barysynda aıtyp berdi, dep habarlaıdy Nur-Sultan ákimdiginiń resmı saıty.

«El basshylyǵynyń tapsyrmasy boıynsha qurylysy uzaqqa sozylǵan nysandardyń qurylysyn aıaqtaý boıynsha aýqymdy, júıeli jumystar júrgizilýde. 2019 jyldyń jazynda 52 nysan-uzaq qurylys retinde eseptelgen edi, bul degenimiz 150 kóppáterli turǵyn úı kesheni.

2019-2020 jyldary biz 33 kóppáterli turǵyn úı keshenin salyp, paıdalanýǵa berdik. 5 myńnan astam úlesker otbasy uzaq jyldar boıy kútken páterlerin satyp aldy. Bıyl taǵy 57 kóppáterli turǵyn úı keshenin aıaqtaımyz.

2022 jyly taǵy 40 kóppáterli turǵyn úıdi, 2023 jyly 20 turǵyn úı salýdy josparlap otyrmyz. Osylaısha, 2023 jyly elordadaǵy úleskerler máselesin tolyq sheshýdi josparlap otyrmyz», - dedi Altaı Kólginov.

Elorda ákimi elordadaǵy keıbir úılerdiń qurylysy 15-16 jylǵa sozylǵanyn aıtty. Úlestik qurylystyń barlyq nysandarynda ár túrli kórinis boldy: bir jerde tek shuńqyr, bir jerde qańqasy(karkas) kóterilgen, endi bir jerde qurylysshy bir páterdi 4-5 adamǵa satqan. Degenmen, árbir uzaq qurylys boıynsha qadamdyq is-sharalar jospary bar.

Sonymen qatar, elordada turǵyn úı keshenin jóndeý, apatty jáne eski úılerdi buzý jumystary júrgizilýde.


Basty sózder: Qurylys, Nur-Sultan,
Joǵary qaraı