Aýa raıy
Astana -2 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan-Petropavl trassasynda 3 adam qaza bolyp, 2-eýi zardap shekti

2020 jyldyń 25 qyrkúıek 2020 21:49

KÓKShETAÝ. QazAqparat – Aqmola oblysynda jol apatynan úsh adam kóz jumyp, taǵy eki adam aýrýhanǵa jatqyzyldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, jol apaty búgin keshke saǵat 19:00 shamasynda «Nur-Sultan-Petropavl» tasjolynyń 285-shaqyrymynda (Kókshetaýdan ýche baǵytynda 30 shaqyrymda jerde) boldy.

«Jol apatynan úsh adam qaza tapty. 60 jastaǵy júrgizýshi men 55 jastaǵy er adam oqıǵa ornynda mert bolsa, 57 jastaǵy taǵy bir er adam aýrýhanada kóz jumdy. 61 jáne 56 jastaǵy eki jolaýshy aýrýhanada jatyr. Qazirgi kezde oqıǵanyń mán-jaıy anyqtalý ústinde. Aldyn ala málimet boıynsha, «Land Rover» kóliginiń júrgizýshisi rýlge ıe bola almaı qalyp, joldyń jıegindegi qorshaýǵa soǵylǵan. Keıin orǵa aýdarylǵan», - dep túsindirdi vedomstvodan.





Aıta keteıik, atalmysh jol apaty týraly aqparat áleýmettik jeli arqyly da tarap jatyr. Onda jol apatyna ushyraǵan «Land Rover» kóliginiń júrgizýshisi kókshetaýlyq belgili kásipker V. Svıderskıı ekeni aıtylǵan.





Joǵary qaraı