Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultan men birqatar óńirde aýa raıyna baılanysty eskertý jarııalandy

2022 jyldyń 20 mamyr 2022 21:36

NUR-SULTAN. QazAqparat - Sınoptıkter elimizdiń birqatar aımaǵynda jaýyn-shashyn, qatty jel men shańdy daýyl bolýy yqtımal dep boljap otyr, dep habarlaıdy QazAqparat «Qazgıdrometke» silteme jasap.

Nur-Sultanda 21 mamyr kúni shańdy daýyl bolady. Ońtústik baǵyttan jel soǵyp, kúndiz ekpini 15-20 m/s-ke jetedi.

Jambyl oblysynyń taýly jáne taý bókterindegi aýdandarynda 21-22 mamyr aralyǵynda qatty jaýyn-shashyn bolyp, ózenderde sý deńgeıi kóteriledi.

21 mamyrda Aqmola oblysynyń batys jartysynda naızaǵaı oınap, daýyl bolady jáne burshaq jaýady. Kúndiz oblystyń ońtústiginde shańdy daýyl soǵady. Ońtústikten, ońtústik-batystan jel soǵady, túnde oblystyń soltústigi men batysynda ekpini – 15-20 m/s, kúndiz – 15-20 m/s, soltústigi men batysynda 25 m/s jetedi.

Osy kúni Soltústik Qazaqstan oblysynyń soltústiginde, batysynda naızaǵaı, daýyl, burshaq kútiledi. Ońtústik, ońtústik-batystan jel soǵady, túnde oblystyń ońtústik-shyǵysynda ekpini – 15-20 m/s, kúndiz basym bóliginde – 15-20 m/s, ońtústiginde, shyǵysynda ekpini 23 m/s-qa deıin jetedi. Petropavlda 21 mamyrda ońtústik, ońtústik-batystan jel soǵady, kúndiz ekpini 15-20 m/s bolady.

21 mamyrda Batys Qazaqstan oblysynyń soltústiginde, shyǵysynda naızaǵaı, burshaq, daýyl kútiledi. Soltústik-batystan jel soǵady, túnde naızaǵaı jarqyldap, jeldiń ekpini – 15-20 m/s, kúndiz oblystyń basym bóliginde 23 m/s-qa deıin jetedi. Oralda 21 mamyrda naızaǵaı, burshaq, daýyl kútiledi. Soltústik-batystan jel soǵady, kúndiz – 15-20, ekpini 23 m/s jetedi.

21 mamyr kúndiz Qaraǵandy oblysynyń batysynda naızaǵaı oınaıdy. Jeldiń baǵyty ońtústik-shyǵystan ońtústik-batysqa aýysyp, kúndiz oblystyń batysynda jyldamdyǵy – 15-20, ekpini 23-28 m/s jetedi. Jezqazǵanda 21 mamyr kúndiz kún kúrkireıdi. Ońtústik-batystan jel soǵady, kúndiz ekpini 15-20 m/s jetedi.

21 mamyrda Qyzylorda oblysynyń basym bóliginde kúndiz jańbyr, soltústikte, ońtústikte, oblys ortalyǵynda naızaǵaı, daýyl, shańdy daýyl kútiledi. Soltústik-batystan jel soǵady, túnde oblystyń batysynda – 15-20 m/s, kúndiz oblystyń basym bóliginde – 15-20 m/s, oblys ortalyǵynda ekpini 23-28 m / s jetedi. Qyzylordada 21 mamyr kúndiz naızaǵaı, daýyl, shańdy daýyl kútiledi. Órt shyǵý qaýpi bar.

21 mamyr kúni tańerteń jáne kúndiz Almaty oblysynyń ońtústiginde, taýly jáne taý bókteri aýdandarynda naızaǵaı oınap, shańdy daýyl soǵady jáne burshaq jaýyp, daýyl soǵýy múmkin. Jeldiń baǵyty ońtústik-shyǵystan ońtústik-batysqa aýysyp, oblystyń batysy, ońtústigi men shyǵysynda – 18-23 m/s, naızaǵaı kezinde ekpini 29 m/s jetedi.

21 mamyrda Mańǵystaý oblysynyń soltústik-shyǵysynda qatty jańbyr jaýady. Oblystyń batysynda, soltústik-shyǵysynda naızaǵaı, burshaq, daýyl, shańdy daýyl kútiledi. Soltústik-batystan jel soǵady, oblystyń basym bóliginde – 15-20 m/s, ekpini 25 m/s jetedi.

21 mamyrda túnde soltústik-batysta, kúndiz Aqtóbe oblysynyń soltústik-shyǵysynda qatty jańbyr jaýady. Oblystyń batysynda, soltústiginde, ortalyǵynda naızaǵaı, burshaq kútiledi. Batystan, soltústik-batystan jel soǵady, túnde ońtústikte, shyǵysta, kúndiz oblystyń basym bóliginde ekpini 15-20 m/s jetedi. Batystan, soltústik-batystan jel soǵady, ekpini 15 m/s jetedi.

21 mamyrda Atyraý oblysynyń soltústiginde, shyǵysynda naızaǵaı, burshaq kútiledi. Soltústik-batystan jel soǵady, túnde oblystyń ońtústiginde, kúndiz oblystyń basym bóliginde – 15-20 m/s, ekpini 23 m/s jetedi.


Basty sózder: Ekologııa, Aýa raıy,
Joǵary qaraı