Aýa raıy
Astana 8 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan men Almatynyń ekologııasyn jaqsartatyn jol kartasy ázirlendi

2020 jyldyń 13 tamyz 2020 16:43

ALMATY. QazAqparat – QR Ekologııa, geologııa jáne tabıǵı resýrstar mınıstrligi ákimdiktermen, memlekettik organdarmen birige otyryp Almaty men Nur-Sultan qalalarynyń ekologııalyq problemalaryn keshendi túrde sheshýdiń jol kartasyn jasady, dep habarlaıdy QazAqparat tilshisi.

Qazir bul joba Úkimet qaraýynda.

Karta birneshe bloktan turady:

1-blokta kómirmen energııa shyǵaratyn kásiporyndardyń zııandy zattaryn azaıtý. JEO-2, JEO-3 ortalyqtaryn qaıta jańǵyrtý, gaz qubyrlarynyń qurylysy, sý jylytý qazandyqtaryn aýystyrý, Almatyny gazdandyrý, jeke tulǵalarǵa elektr energııasynyń túngi tarıfin ózgertý qarastyrylǵan.

2-blokta aýa tsırkýlıatsııasynyń buzylý qaýpiniń aldyn alý. Qalanyń sáýlettik beınesine, bas josparyna jel rejımin eskere otyryp ózgeris engizý.

3-blokta aǵashty kesý máselesine qoǵamdy belsendi aralastyrý, kesilgen aǵashtardyń ornyna ótem retinde aǵash otyrǵyzý tetigin qaıta qaraý, jasyl jelektiń pasporttalýyn júrgizý.

4-blokta avtokólikterdiń zııandy zattaryn shekteý, tehnıkalyq baqylaý qyzmetiniń operatorlaryna talapty kúsheıtý, Almaty men Nur-Sultanda zııandy zattardy baqylaý jáne taldaýǵa múmkindik beretin zerthanalardy salý, dızeldik otynmen júretin qalalyq avtobýstardy paıdalanýǵa kezeń-kezeńimen tyıym salý, «Sergek» kameralary arqyly Almaty men Nur-Sultan qalasyna kirip shyǵýǵa ruqsat júıesin jasaý, elektromobılderge bólek tegin turaq oryndaryn uıymdastyrý kózdelgen.


Joǵary qaraı