Aýa raıy
Astana -21 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan máslıhaty qalanyń úsh jyldyq bıýdjetin qarady

2020 jyldyń 30 qazan 2020 14:55

NUR-SULTAN. QazAqparat – Elordalyq máslıhat Nur-Sultan qalasynyń 2021-2023 jyldarǵa arnalǵan bıýdjet jobasyn talqylaýdy bastady, dep habarlaıdy QazAqparat tilshisi.

Nur-Sultan qalasynyń Strategııalyq jáne bıýdjettik josparlaý basqarmasynyń basshysy Qaısar Mańqaraev qala máslıhatynyń turaqty komıssııasynyń otyrysynda bıýdjettik joba týraly baıandama jasady.

2021-2023 jyldarǵa arnalǵan boljam boıynsha, naqty kirister 1 trln 1 mlrd 376 mln teńge bolady. Onyń ishinde 2021 jyly - 319,7 mlrd teńge, 2022 jyly - 332,3 mlrd teńge, 2023 jyly-349,4 mlrd teńge túsim boljanǵan.

«2021 jyly naqty kiris 319,7 mlrd teńge deńgeıinde baǵalanyp otyr, munda 2020 jyldyń bıýdjetimen salystyrǵanda 5%-ǵa ósim bar. Aldaǵy úsh jyldyq kezeńdegi salyqtyq túsimder elordanyń naqty kirister kóleminiń 98%-ǵa jýyǵyn qamtamasyz etedi. 2021-2023 jyldary naqty kirister túsiminiń jyl saıynǵy ósimi 5%-dy nemese shamamen 15 mlrd teńgeni quraıdy», - dedi Qaısar Mańqaraev.

Onyń aıtýynsha, jergilikti úsh jyldyq bıýdjettiń jalpy shyǵyndary tıisinshe 1 trln 1 mlrd 376 mln teńge somasynda josparlanyp otyr.

«Qala bıýdjetine respýblıkalyq bıýdjetten úsh jyldyq kezeńge 63,3 mlrd teńge somasynda nysanaly transfert kózdelgen, onyń ishinde 2021 jyly - 44,2 mlrd teńge, 2022 jyly - 12,6 mlrd teńge jáne 2023 jyly - 6,5 mlrd teńge. 2020-2022 jyldarǵa arnalǵan jalpy sıpattaǵy transfert kólemi týraly zańǵa sáıkes, 2021 jyly respýblıkalyq bıýdjetke 34,2 mlrd teńge, 2022 jyly - 38,5 mlrd teńge mólsherinde alynýy tıis. Bıyl TJ rejıminiń engizilýine baılanysty, respýblıkalyq bıýdjetti naqtylaý aıasynda menshikti kirister esebinen respýblıkalyq bıýdjetke keri transferttermen 7,7 mlrd teńge aýdaryldy. 2021 jyly jergilikti bıýdjetten aýdarym jasaý kólemi 15,4 mlrd teńge bolmaq», - dep atap ótti basqarma basshysy.

Sonymen birge, Memleket basshysynyń azamattardyń ómir súrý sapasy men áleýmettik ál-aýqatyn arttyrý jónindegi 2021-2023 jyldarǵa arnalǵan bastamalar tapsyrmalaryn iske asyrý sharalary josparlanǵan.

Strategııalyq jáne bıýdjettik josparlaý basqarmasynyń habarlaýynsha, Nur-Sultan qalasy ákimdiginiń apparatyna 5 mlrd 538 mln teńge qarastyrylǵan, onyń ishinde 2021 jyly - 1 mlrd 847 mln teńge bólinedi.


Avtor Aıjan Serikjanqyzy
Basty sózder: Bıýdjet, Nur-Sultan,
Joǵary qaraı