Aýa raıy
Astana 14 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultan kóshelerin sý alyp ketpes úshin qandaı jumystar qolǵa alynǵan

2020 jyldyń 1 shilde 2020 10:11

NUR-SULTAN. QazAqparat - Nur-Sultan qalasynyń ákimi Altaı Kólginov qala kóshelerine sý jaıylyp, sel qaýpi týyndamas úshin qandaı sharalar atqarylyp jatqanyn málim etti, dep habarlaıdy QazAqparat.

Shahar basshysy bul jaıynda óziniń Instagram paraqshasynda jazdy.

«Keshkilik qala aralaý kezinde birqatar nóser kárizderi men tazartý qurylǵylarynyń qurylysyn qaradym. « Jastar» shaǵyn aýdanyndaǵy jańa qurylystyń qýaty táýligine 42 myń tekshe metrden asady. Bul nóserlik sý kanalızatsııasynyń ótkizý qabiletin aıtarlyqtaı jaqsartýǵa múmkindik beredi. Tazartý qurylǵylary Tashenov, Baraev, Ýálıhanov, Imanbaev jáne Respýblıka dańǵyldaryn jańbyrly sý basýdan qaýipsizdendiredi. Jumystardy aıaqtaý merzimi - 2021 jyl. Táshenov kóshesindegi uzyndyǵy 530 metrdi quraıtyn nóserli kollektor jelilerin tazarttyq. 34 tonnadan astam qoqys shyǵaryldy. Osy ýaqytta deıin jınalyp qalǵan qoqys kollektor jumysyn qıyndatty» dep jazady Altaı Kólginov.

Onyń aıtýynsha, bıyl kúzde B.Momyshuly dańǵylyndaǵy (Daýylpaz kóshesinen Elim-aı kóshesine deıin) problemalyq ýchaskede nóserli káriz magıstraldy kollektorynyń qurylysy aıaqtalady.




«Osy jyldyń sońyna deıin Telman eldi-mekenindegi tazartý qurylǵylary men magıstraldy kollektor qurylysy aıaqtalady. Qýaty táýligine 36 myń tekshe metrden asady. Jobany iske asyrý Telman eldi-mekeni men № 27 kóshe boıyndaǵy qurylys aımaǵynan jer ústi aǵyndaryn burýǵa múmkindik beredi. Sonymen birge jumys istep turǵan kollektorlardy tazartý boıynsha jumystar júrgizilip jatyr. 354 km-diń 134 km-i tazartý jumystaryn qajet etedi» deıdi qala ákimi.

Aıta keteıik, ótken jyly Myńjyldyq alleıasy aýmaǵynda eki ýchaskedegi nóserlik sý káriziniń máselesi sheshilgen bolatyn.

















Basty sózder: Ákim, Nur-Sultan,
Joǵary qaraı