Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Nur-Sultan-Kókshetaý» trassasynda jol qozǵalysy qalpyna keltirildi

2021 jyldyń 4 jeltoqsan 2021 23:37

KÓKShETAÝ. QazAqparat - «Nur-Sultan-Kókshetaý» trassasynda jol qozǵalysy qalpyna keltirildi, dep habarlaıdy QazAqparat tilshisi oblystyq TJD baspasóz qyzmetine silteme jasap.

«Nur-Sultan-Kókshetaý» avtojolynda pırotehnıkalyq buıymdar tıelgen «DAF» júk kóliginiń órtenýine baılanysty jol qozǵalysyna kedergi keltirildi. Oqıǵa ornyna TJD-niń jeke quramynan 19 adam jáne 4 tehnıka jumyldyryldy. Órtten kólik tirkemesi tolyq janyp ketti. Órt saǵat 22:05-te aýyzdyqtalyp, 22:32-de sóndirildi. Qaza bolǵandar men zardap shekkender joq. Saǵat 22:40-ta jol qozǵalysy qalpyna keltirildi», - dedi vedomstvodan.

Eske sala ketsek, «Nur-Sultan-Kókshetaý» tas jolynyń 212 shaqyrymynda pırotehnıkalyq buıymdar tıelgen júk kóligi otqa oranǵan bolatyn.


Avtor Aslan Ospanov
Basty sózder: Kólik, Aqmola oblysy, Oqıǵa,
Joǵary qaraı