Aýa raıy
Astana 6 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan qalasynda karantın tártibin buzǵan dámhanalardyń tizimi jarııalandy

2020 jyldyń 6 tamyz 2020 21:50

NUR-SULTAN. QazAqparat – Nur-Sultan qalasynyń polıtseıleri birneshe ret karantın erejesin buzǵan dámhanalardyń tizimin jarııalady, dep habarlaıdy QazAqparat Qalalyq polıtsııa departamentiniń baspasóz qyzmetine silteme jasap.

«Shaýrma» jáne «Barrýs» dámhanalary karantın tártibin buzýdan rekord jasady. 5 shildeden beri «Shaýrma» kafesin tekserý kezinde 16 tártip buzý faktisi, al «Barrýs» kafesinde 6 fakt tirkeldi.

Polıtseı, epıdemıolog, volonter men jergilikti atqarýshy organ ókilinen quralǵan mobıldi toptar kún saıyn karantın erejesin buzý faktisin anyqtaý maqsatynda tekserý júrgizedi. Tekserý barysynda polıtseıler oıyn-saýyq oryndaryna, qoǵamdyq tamaqtaný nysandaryna, saýnalarǵa, monshalarǵa kirip, ıelerine qazirgi karantın sharalary týraly eskertedi, sondaı-aq zań buzýshylyq faktilerin anyqtaıdy.

Tekserý kezinde karantın rejımin buzǵan kóp nysan belgili boldy.

Kóptegen dámhana ıeleri men jalǵa alýshylar Nur-Sultan qalasynyń bas sanıtarııa dárigeriniń qaýlysyn elemeı, únemi karantın rejımin buzady.

Jergilikti polıtsııa qyzmetiniń jetekshisi Ǵosman Jakınniń aıtýynsha, karantın tártibin buzý adamdardyń ómirine qaýip tóndiredi.

«Qabyldanǵan sharalarǵa qaramastan, keı kásipkerler karantındi buzýyn qoıar emes. Koronavırýs ınfektsııasynyń taralýyn boldyrmaý maqsatynda biz barlyq zańdy sharalardy qoldanyp, ótinishhat jiberemiz, lıtsenzııasyn da alyp qoıýymyz múmkin», - dep atap ótti ol.

Kóńil kóterý oryndarynyń ıelerine qatysty ákimshilik jaýapkershilikke tartý úshin QR ÁQBK 425-baby («karantın rejımin buzý») boıynsha materıaldar jınalyp, Taýarlar men kórsetiletin qyzmetterdiń sapasyn baqylaý basqarmasyna jiberiledi.

«Almaty» aýdany:

- «Mıata» dámhanasy

- «Marmelad» dámhanasy

- «Kókshetaý» dámhanasy.

«Baıqońyr» dámhanasy:

- «Barrýs» dámhanasy

- «Tsentr plova ı shashlyka» dámhanasy

- «Shaýrma» dámhanasy.

«Esil» aýdany boıynsha:

- «Aýra» dámhanasy

- «Shashlychnyı dvor»

- «The dym»

«Saryarqa» aýdany:

- «Ýgol» dámhanasy

- «Anar»dámhanasy

- «Brıo» dámhanasy

- «Arbalet» dámhanasy.


Basty sózder: Nur-Sultan, Karantın, QR ІІM,
Joǵary qaraı