Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultan ákimdigi «halyqqa ý shashty» dep dabyl qaqqan beınejazbaǵa pikir bildirdi

2021 jyldyń 3 tamyz 2021 12:55

NUR-SULTAN. QazAqparat – Elorda ákimdiginiń baspasóz qyzmeti áleýmettik jelidegi «halyqqa ý shashty» dep dabyl qaqqan beınejazbaǵa túsinikteme berdi, dep habarlaıdy QazAqparat.

Vıdeoda er adam túngi ýaqytta dári shashyp júrgen jumysshylarǵa «halyqqa ý shashyp júrsińder» dep urysady.

«Vıdeoda masa men shybyn-shirkeıdi ýlaý sáti túsirilgen. «Elordalyq dezınfektsııa» JShS dezınsektsııalyq jumysty Qorshaǵan ortany qorǵaý jáne tabıǵatty paıdalaný basqarmasymen birlesip júrgizip jatyr. Bul rette dezınsektorlar adam, janýar jáne ósimdik úshin qaýipsiz eritindini qoldanady. Jumystar túngi jáne tańǵy ýaqytta júrgiziledi. Aıta keteıik, jalǵan aqparat taratqany úshin jaýapkershilik qarastyrylǵan», - dep jaýap berdi astana ákimdigi.

Aıta keteıik, ashyq statsııalardaǵy dezınsektsııalyq is-sharalar elordanyń ortalyǵynan bastap, shetki aımaqtarǵa deıin júrgiziledi.

«Qalanyń shet aımaqtarynan masalar men shirkeılerdiń jappaı ushyp kelýine jol bermeý maqsatynda elorda mańyndaǵy qorǵanys tosqaýyldary turaqty negizde júrgiziledi. Óńdeý jumystary mamandandyrylǵan dezınfektsııalyq mashınalar men termogeneratorlardyń kómegimen, hlorpırıfos jáne malatıon belsendi zatymen FOQ (fosfor organıkalyq qosylystar) klasynyń ınsektıtsıdtik preparattaryn qoldaný arqyly júzege asyrylady», - dep habarlady ákimdik.



Avtor Aıjan Serikjanqyzy
Basty sózder: Koronavırýs, Nur-Sultan,
Joǵary qaraı