Aýa raıy
Astana -27 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan partııasynyń saılaýaldy shtab jetekshisi taǵaıyndaldy

2020 jyldyń 25 qarasha 2020 13:54

NUR-SULTAN. QazAqparat - QR Tuńǵysh Prezıdenti - Elbasy Nursultan Nazarbaev Nur Otan partııasynyń saılaýaldy shtaby jetekshisi retinde Baýyrjan Baıbekti taǵaıyndady, dep habarlaıdy QazAqparat tilshisi.

«Búginde «Nur Otan» óziniń tabys tarıhymen maqtana alady. Partııa baǵdarlamasyn oryndaý qajet jáne onyń oryndalatyndyǵyna da senemin. Ol elimizdi odan ary jańǵyrtýdy, barlyq qazaqstandyqtardyń ómir sapasyn arttyrýdy qamtamasyz etýge múmkindik beredi», - dedi Elbasy partııanyń kezekten tys HH sezin qorytyndylaı kele.

QR Tuńǵysh Prezıdentiniń atap ótýinshe, saılaý naýqanyn tabys ótkizý úshin respýblıkalyq jáne óńirlik shtabtardyń úılesimdi jumysyn uıymdastyrý qajet.

«Kandıdattar, belsendiler, senim bildirilgen tulǵalar barlyq óńirge baryp, ár saılaýshyǵa túsinikti tilde partııa usynystaryn aıyp berýi tıis. Munan ary damý úshin qandaı baǵdarlama usynatynyn túsindirýi kerek. Osy oraıda respýblıkalyq saılaýaldy shtabtyń jetekshisi qyzmetine partııadaǵy orynbasarym Baýyrjan Baıbekti usynamyn. Oǵan shtabtyń jeke quramyn, múshelerin aıqyndap, saılaý naýqanyn uıymdastyrý, barlyq oblystyq shtabtarmen, ákimdermen jáne belsendilerimizben jumys isteý qajet», - dedi Nursultan Nazarbaev.


Joǵary qaraı