Aýa raıy
Astana -14 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan partııasynyń kezekten tys XX Sezi bastaldy

2020 jyldyń 25 qarasha 2020 11:04

NUR-SULTAN. QazAqparat - Nur Otan partııasynyń kezekten tys XX Sezi jumysyn bastady. Sezd QR Tuńǵysh Prezıdenti - Elbasy Nursultan Nazarbaevtyń tóraǵalyǵymen ótip jatyr, dep habarlaıdy QazAqparat tilshisi.

Alqaly jıyn barysynda Májiliske arnalǵan partııalyq tizim, sondaı-aq jumys organdarynyń quramy men ózge de ózekti máseleler qaralady.

126 kandıdattan quralǵan tizim Nur Otan partııasynyń HH sezine usynylady.

Esterińizge sala ketsek, keshe Elbasy Nursultan Nazarbaevtyń tóraǵalyǵymen «Nur Otan» partııasynyń Saıası keńesi Bıýrosynyń otyrysy ótti.

Jıynda Elbasy sońǵy bes jyl ishinde partııa óziniń saılaý aldynda bergen ýádeleriniń basym bóligin oryndaǵanyn atap ótti.

Qazaqstannyń Tuńǵysh Prezıdenti sońǵy bir jyldyń ishinde partııa jumysyn qaıta jandandyrý baǵytynda aýqymdy júıeli jumys atqarylǵanyna nazar aýdartty.

Sondaı-aq Elbasy praımerızge qatysýshylar men onda jeńiske jetken azamattarǵa toqtaldy.




«Praımerızge qatysýshylardyń úshten bir bóligi jáne partııalyq tizimge engen árbir besinshi adam – jastar. Partııalyq tizimniń 30 protsentin áıelder quraıdy. Sonymen birge partııa tiziminde kópbalaly analar, múmkindigi shekteýli jandar, bıznes ókilderi, jumysshylar men qyzmetkerler bar. Praımerızge qatysqan partııanyń árbir úshinshi jańa múshesi jeńiske jetti. Osylaısha, biz «Nur Otan» partııasynyń jumysyn júıeli túrde qaıta jandandyrýdy aıaqtadyq. Qazaqta «Júre berseń, kóre beresiń» degen sóz bar. Minekeı, sezdi qashyqtan ótkizýge májbúr bolyp otyrmyz. Osyndaı zamanǵa tap keldik. Bul da ómirimizdiń bir salasy bolyp esimde qalady. Amanshylyq bolsa, aldaǵy ýaqytta kezdesip, shúıirkelesip, júzdesip, qushaqtasatyn bolamyz. Sol kúnge tezirek jetkizsin « , - dedi sezd jumysyn ashqan Elbasy.


Joǵary qaraı