Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Nur Otan partııasynyń qatysýymen Áleýmettik kodeks ázirlenedi

2020 jyldyń 25 qarasha 2020 11:53

NUR-SULTAN. QazAqparat - Nur Otan partııasynyń qatysýymen Áleýmettik kodeks ázirlenedi. Bul týraly Nur Otan partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Biz tek áleýmettik kómekke muqtaj jandarǵa ǵana emes, halyqtyń ózge de toptaryna qoldaý kórsetemiz. Partııalyq tizimdegi 20 paıyzdyq kvota jas kóshbasshylardy qoldaýdyń naqty tetigine aınaldy. Nur Otan qataryna bilimdi, qaısar jáne jigerli jastar qosyldy», - dedi QR Prezıdenti.

Memleket basshysy áıelderdiń qoǵamdyq-saıası ómirdegi, ekonomıkanyń barlyq sektoryndaǵy rólin kúsheıtý - álemdik úrdis ekendigin basa aıtty.

«Qazirgi ýaqytta partııalyq tizimniń 30 paıyzy áıelderden quralǵan. Bul - áıelder qaýymy úshin memleket basqarý isine atsalysýǵa jol ashatyn naqty áleýmettik múmkindik. Partııanyń belsendi qatysýymen Áleýmettik kodeks ázirlenedi. Bul mazmuny jaǵynan múldem jańa qujat bolmaq. Kodekste qoǵam men memleket arasyndaǵy ózara kelisim ornatýdyń tyń tásilderi kórsetiledi», - dedi Qasym-Jomart Toqaev.


Joǵary qaraı