Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Nur Otan» partııasyn el Prezıdenti basqarǵany mańyzdy dep bilemin – Nursultan Nazarbaev

2021 jyldyń 23 qarasha 2021 18:58

NUR-SULTAN. QazAqparat – Elbasy Nursultan Nazarbaev «Nur Otan» partııasy Saıası keńesiniń keńeıtilgen otyrysynda Partııa tóraǵalyǵynan ketý týraly sheshiminiń mánin túsindirdi, dep habarlaıdy QazAqparat tilshisi.

«Men partııa qurylymynyń bastaýynda turdym, ony osy jyldar boıy basqardym jáne «Nur Otan» partııasyn el Prezıdenti basqarǵany mańyzdy dep bilemin. Solaı boldy da. Biz muny partııa Jarǵysyna súıene otyryp sheshýimiz kerek. Bul bizdiń birligimizdi kórsetý úshin mańyzdy qadam. Qurmetti partııa músheleri! Búginde «Nur Otan» - elimizdiń basty saıası kúshi. Bıleýshi partııa retinde qalyptasqan 20 jyl ishinde ol qazaqstandyqtardyń ál-aýqatyn arttyrý jáne Táýelsizdigimizdi nyǵaıtý jónindegi aýqymdy reformalardy dáıekti túrde júzege asyrdy», - degen Elbasy bıleýshi saıası partııalardyń uzaq merzimdi kóshbasshylyq etý kóptegen elderdiń damýyna oń yqpal etkenin mysal etip keltirdi.




«Halyqaralyq tájirıbe qýatty memleket pen damyǵan azamattyq qoǵam qalyptasýy úshin eldiń 40-50 jyly boıy turaqty ilgerileýi qajet ekenin kórsetti. Bıleýshi saıası partııalardyń uzaq merzimdi kóshbasshylyǵy kóptegen elderde tabys pen áleýmettik-ekonomıkalyq ósýge negiz boldy. Shvetsııa, Japonııa, Sıngapýr, Malaızııa, QHR sııaqty elderde osylaı boldy.

Aıqyn maqsattar, el damýynyń naqty paıymy, saıası erik-jiger jáne eń bastysy, halyqtyń qoldaýy bıleýshi partııalar tıimdiliginiń kepili boldy! Keıde tarıh túzetýler jasaıdy. Biz oǵan beıimdelýimiz kerek. Degenmen, bizdiń jahandyq maqsatymyz ózgermeıdi-2050 jylǵa deıin Qazaqstan álemniń eń damyǵan 30 eliniń qataryna kirýge tıis. Naqty jospar «Qazaqstan-2050» Strategııasynda belgilengen», - dedi Nursultan Nazarbaev.









Joǵary qaraı