Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Novosibir janarmaı stansasyndaǵy jarylys: 21 adam kúıip qaldy

2021 jyldyń 14 maýsym 2021 21:18

NOVOSІBІR. TASS-QazAqparat - Reseıdiń Novosibir qalasynda Gýsınobrodskıı tasjolynda jergilikti ýaqytpen saǵat 18:04 kezinde janarmaı stansasynda órt shyqty, dep habarlaıdy QazAqparat TASS agenttigine silteme jasap.

Jeti mınýttyń ishinde órt sóndirýshiler oqıǵa ornyna kelip jetti.

«Evrogaz» kompanııasy ókiliniń aıtýynsha, ot kólikke janarmaı quıyp jatqanda tutanǵan. Bir júk kóligi men bir jeńil kólik janyp ketken.

Órttiń aldyn ala sebebi - gaztasymaldaýshy kólikti bosatý kezinde syrtqa shyqqan gaz.

Jalyn sharpyǵan aýmaq - 800 sharshy metr. Órt qaýpi jaǵynan úshinshi (joǵary) deńgeıge jatqyzylǵan. Oqıǵa ornynda suıyq otyn quıylǵan rezervýarlar qaıta-qaıta jarylyp jatyr, TJM jeke quramy qaýipsiz qashyqtyqta jumys istep jatyr.

TASS aqparat kóziniń málimetinshe, qazirdiń ózinde kem degende bes jarylystyń daýsy estilgen.

Tilsiz jaýdan turǵyn úılerge qaýip joq, degenmen ot japsarlas ornalasqan qoımany sharpýy múmkin.

21 adam zardap shekken. Onyń on jetisi aýrýhanaǵa jetkizildi.

Jedel járdem stansasynyń bas dárigeri Irına Bolshakovanyń aıtýynsha, bes adamnyń jaǵdaıy aýyr.

Prokýratýra tekserýdi bastap ketti.



Perevod Janat Qapalbaeva
Basty sózder: Oqıǵa, Reseı, Álem,
Joǵary qaraı