Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Norvegııa sheteldikter úshin karantın talaptaryn alyp tastady

2022 jyldyń 26 qańtar 2022 14:30

NUR-SULTAN. QazAqparat – Búginnen bastap Norvegııa úkimeti sheteldikter úshin karantın talaptaryn alyp tastady. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Halyqaralyq valıýta qory pandemııa jaǵdaıynda ekonomıkalyq damý boljamdaryn jarııalady. Sarapshylar «omıkron» shtamynan aýrýdyń artýyna baılanysty 2022 jylǵa arnalǵan stsenarııdi jaǵymsyz jaǵyna qaraı ózgertti. Álemdik ekonomıkanyń qarqyny 4,4% quraıdy, bul ótken jylmen salystyrǵanda 0,5% tómen, dep málimdedi HVQ basqarýshy dırektorynyń orynbasary Gıta Gopınat.

Koronavırýstyń «Omıkron» shtamynyń tez taralýy kóptegen elderde adamdardyń qozǵalysyna shekteýlerdiń qaıta bastalýyna ákelip soqty jáne jumys kúshiniń jetispeýshiligin arttyrdy», - dedi Gopınat.

HVQ málimetteri boıynsha, tabysy tómen elderde qazir halyqtyń tek 4% vırýsqa qarsy egildi, al tabysy joǵary elderde – 70 %. Alaıda, sarapshynyń aıtýynsha, «omıkron» 2022 jyldyń birinshi toqsanynda ekonomıkalyq belsendilikti tejeıdi, ekinshi toqsanda onyń áseri onsha sezilmeıdi.

Búginnen bastap Norvegııa úkimeti sheteldikter úshin karantındik sharalardy alyp tastady. ıAǵnı, elge kiretinderdiń barlyǵyna 10 kúndik oqshaýlanýda mindetti bolý talaby joıyldy.

«Biz Norvegııanyń qoǵamdyq densaýlyq saqtaý ınstıtýtynyń usynysyn oryndaımyz. Infektsııalyq baqylaý sebepteri boıynsha karantın endi qajet dep sanalmaıdy. Talap 26 qańtarda saǵat 12:00-den bastalady», - delingen Norvegııa úkimetiniń habarlamasynda. Norvegııada maquldanǵan vaktsınalarmen egilgen nemese koronavırýstan saýyqqandyǵy týraly sertıfıkaty joq kez kelgen adam karantındi saqtaýy kerek bolatyn. Bul rette elge kelýshiler áli de kirer aldynda tirkelýge jáne test tapsyrýǵa mindetti bolady.


Joǵary qaraı