Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Negizgi eksporttyq taýarlardyń baǵasy ósti – Qarjy mınıstrligi

2021 jyldyń 10 maýsym 2021 11:52

NUR-SULTAN. QazAqparat – Álemde ekonomıkalyq belsendiliktiń birtindep qalpyna kelýi negizgi eksporttyq taýarlar baǵasynyń orta eseppen 33,3% ósýine áser etti. Bul týraly QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Bul málimdelgen avanstyq tólemder somasynyń 20% nemese 101 mlrd teńgege ulǵaıýyna ákeldi. Nátıjesinde korporatıvtik tabys salyǵy boıynsha jospar asyra oryndaldy. Sonymen qatar, bıyl qosylǵan qun salyǵyn qaıtarýdyń 1,4 esege nemese 130 mlrd teńgege ósýine baılanysty ishki tutyný taýarlaryna qosylǵan qun salyǵy boıynsha jospar oryndalmaǵan», - dedi Qarjy mınıstri búgingi Úkimet otyrysynda.

Salyqtyq emes túsimder boıynsha jospardy asyra oryndaý negizinen ózge de salyqtyq emes túsimder jáne memlekettik organdar salatyn aıyppuldar, ósimpuldar, sanktsııalar jáne óndirip alýlar boıynsha qamtamasyz etildi.

«Jergilikti bıýdjetterdiń kirisi 128,5% atqaryldy jáne 1 trln 658 mlrd teńgeni qurady. Jospar 367 mlrd teńgege, onyń ishinde salyqtar boıynsha 320 mlrd teńgege asyra oryndaldy. Barlyq óńirlerde kirister boıynsha josparlar asyra oryndaldy», - deıdi E. Jamaýbaev.


Joǵary qaraı