Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Negizgi azyq-túlik túrleriniń 5 aılyq qory qamtamasyz etildi - Baqyt Sultanov

2022 jyldyń 18 qańtar 2022 12:08

NUR-SULTAN. QazAqparat – Búgin Úkimet otyrysynda QR Premer-Mınıstriniń orynbasary - Saýda jáne ıntegratsııa mınıstri Baqyt Sultanov ishki naryqty otandyq óndiris taýarlarymen tolyqtyrý boıynsha josparly jumys júrgizilip jatqanyn aıtty, dep habarlaıdy QazAqparat tilshisi.

«Memleket basshysynyń ınflıatsııa deńgeıin tejeý jáne memlekettik retteý sharalaryn kúsheıtý jónindegi tapsyrmalaryn iske asyrý úshin salalyq memlekettik organdar birqatar sharalardy ázirledi. Vedomstvoaralyq is-qımyl Úkimet deńgeıinde úılestiriletin bolady», - dedi B. Sultanov.

Sonymen qatar ol áleýmettik mańyzy bar azyq-túlik taýarlarynyń baǵasyn ustap turý jónindegi is-sharalar týraly aıtyp berdi.

Birinshiden, bul azyq-túlik taýarlarynyń negizgi túrleriniń baǵalyq qoljetimdiligin qamtamasyz etý sharalary eskerilgen. Osy baǵytta Aýyl sharýashylyǵy mınıstrligi ishki naryqty otandyq óndiris taýarlarymen tolyqtyrý boıynsha josparly jumys júrgizýde.

«Qazirgi ýaqytta negizgi azyq-túlik túrleriniń 5 aılyq qory qamtamasyz etilgen deýge bolady. Bul naryqtaǵy tapshylyqty boldyrmaýǵa kepildik beredi. Aýyl sharýashylyǵy mınıstrligi Saýda jáne ıntegratsııa mınıstrligimen birlesip, óndiris-tutyný balansyn aıqyndaıdy, sondaı-aq qajet bolǵan jaǵdaıda eksporttyq shekteýlerdi engizedi», - dep túsindirdi mınıstr.

Ekinshiden, saýda ústemeleri men syıaqylarǵa memlekettik baqylaýdy kúsheıtý, sondaı-aq shekti baǵalardy ýaqtyly engizý arqyly baǵanyń ósýine jol bermeýge baǵyttalǵan qadamdar qamtylǵan.

Úshinshiden, baǵanyń joǵary ósý táýekeli týyndaǵan jaǵdaıda, monopolııaǵa qarsy organnyń quzyreti sheginde naqty taýar naryqtarynda memlekettik baǵalyq retteýdi engizý eskerilgen.


Joǵary qaraı