Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nazır Muhammed: Qazirgi álem gýmanıtarlyq daǵdarysty bastan keshýde

2021 jyldyń 6 qazan 2021 13:38

NUR-SULTAN. QazAqparat – Mysyrdaǵy Ál-Azhar Islam zertteýler akademııasynyń bas hatshysy Nazır Muhammed Muhammed ál-Nazır Aıad elordada ótip jatqan álemdik jáne dástúrli dinder kóshbasshylary sezi hatshylyǵynyń HІH otyrysynda rýhanı yntymaqtastyqtyń adamzat ıgiliginde alar orny týraly oı qozǵady, dep habarlaıdy QazAqparat tilshisi.

«Jasyratyny joq, búginde álem óte qıyn jaǵdaıdy jáne daǵdarysty bastan keship otyr. Pandemııa kóptegen máselelerdiń betin ashty. Osyǵan baılanysty men bul forým der kezinde ótti dep aıtqym keledi. Óıtkeni álem búginde gýmanıtarlyq daǵdarys pen qandy qaqtyǵystardy bastan keshýde jáne osynyń bári adamdardyń bir-birin óltirýine alyp keledi», - dedi Nazır Muhammed Muhammed ál-Nazır Aıad.

Osyǵan baılanysty ol ózara yntymaq ornatý jáne problemalyq máselelerdi sheshý úshin álemdik jáne dástúrli din kóshbasshylary seziniń róli joǵary ekenin atap ótti.

«Demek, adamzat ıgiligi úshin ózara yntymaq ornatý úshin túrli álemdik jáne dástúrli dinder kóshbasshylary men jetekshilerin biriktiretin osy sezdiń mańyzy zor. Ol adamzattyń óziniń tabıǵı bolmysyna qaıyrylýyna baǵyttalǵan» - dedi Ál-Azhar Islam zertteýler akademııasynyń bas hatshysy.

Aıta keteıik, elordada álemdik jáne dástúrli dinder kóshbasshylary sezi hatshylyǵynyń HІH otyrysy ótip jatyr.


Joǵary qaraı