Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nazarbayev University úlgisindegi ýnıversıtetter qaı óńirlerde ashylady

2021 jyldyń 11 maýsym 2021 19:41

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov 2022 jyly Nazarbayev University úlgisindegi ýnıversıtetter qaı qalalarda ashylatynyn aıtyp berdi, dep habarlaıdy QazAqparat tilshisi.

«Shynynda da, bizdiń aldymyzda osyndaı mindet tur. Eń aldymen, Nazarbayev University tıpi boıynsha aldyńǵy qatarly eki joǵary oqý ornyn qurý. Ekinshisi – 20 akademııalyq artyqshylyq ortalyqtaryn qurý. Bul – elimizdiń joǵary bilim berý júıesi úshin óte mańyzdy jobalar. Akademııalyq artyqshylyq ortalyqtary boıynsha jumystar bastaldy. Ortalyqtar jumys istep turǵan JOO-lar bazasynda olardyń áleýetin, materıaldyq-tehnıkalyq bazasyn nyǵaıtý, bilim berý baǵdarlamalaryn jaqsartý, professorlyq-oqytýshylyq quramnyń biliktiligin arttyrý úshin qurylmaq», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Al ozyq joǵary oqý oryndaryn ashýǵa Shymkent jáne Petropavl qalalary tańdalǵan.

«Aldyn ala eki óńir anyqtaldy: Shymkent jáne Petropavl qalalary. Qazir jobalyq qujattamany daıyndap jatyrmyz. Ázirshe bul JOO-lar jumys istep turǵan ýnıversıtetterdiń janynan enshiles uıymdar retinde qurylady. Biraq olar zańdy tulǵalar bolady. Bizdiń paıymdaýymyzsha, olardy birdeı akademııalyq dástúri bar JOO retinde emes, jeke-jeke zańdy tulǵa, qyzmetkerler jınaý, mádenıet pen dástúrin qalyptastyrý mańyzdy. Olardyń bilim berý baǵdarlamasyn halyqaralyq seriktestermen Nazarbayev University úlgisinde qurýdy josparlap otyrmyz. Arnaıy korpýstar ashý josparlanǵan, oǵan qarajat bólek bólinedi. Qazir eki óńirdiń ákimdikteri jer telimderin bólý jumystaryn júrgizýde. Jalpy, osy JOO-lar daıarlaıtyn negizgi baǵyttardy anyqtalyp jatyr. Sondyqtan, jalpy Nazarbayev University jumysynyń tájirıbesi paıdalanylady», - dedi Ashat Aımaǵambetov.

Mınıstrdiń aıtýynsha, sapa Nazarbayev University tıpi boıynsha bolady. Ol úshin sheteldik áriptester tartylady, halyqaralyq baǵdarlamalardy akkredıtteý júrgiziledi.


Joǵary qaraı