Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nazarbaev Ýnıversıtetiniń tájirıbesi boıynsha taǵy 2 joǵary oqý orny qurylady

2021 jyldyń 12 qazan 2021 12:16

NUR-SULTAN. QazAqparat – 2025 jyldyń sońyna deıin sheteldiń 5 joǵary oqý ornynyń fılıalyn ashý josparlanyp otyr. Bul týraly Úkimet otyrysynda «BILIMDI ŪLT» barshaǵa arnalǵan sapaly bilim» ulttyq jobasyn tanystyrý kezinde Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Qoljetimdi jáne sapaly tehnıkalyq jáne kásiptik bilimmen qamtamasyz etýge toqtalsaq, 2025 jylǵa qaraı suranysqa ıe mamandyqtar boıynsha jastardy tegin tehnıkalyq jáne kásiptik bilimmen 100% qamtý kózdelgen. Kolledjderge akademııalyq derbestik beriledi jáne barlyq oqý baǵdarlamasy eńbek naryǵynyń talaptaryna sáıkes jańartylady. Kolledjderdi zamanaýı oqý-óndiristik sheberhanalarmen jabdyqtaý jumystary júrgiziledi. Barlyq kolledjderde WorldSkills talaptaryn eskere otyryp, quzyrettilikterdi anyqtaıtyn demonstratsııalyq emtıhan engiziledi. Dýaldi oqytýǵa qatysatyn kásiporyndardy yntalandyrý esebinen 2025 jylǵa qaraı dýaldi oqytýmen qamtý ósedi», - dedi A. Aımaǵambetov.

Sonymen qatar ulttyq jobada joǵary oqý oryndarynyń básekege qabilettiligin arttyrý eskerilgen.

«Suranysqa ıe mamandyqtar boıynsha bilim granttarynyń sany ósedi. Oqý baǵdarlamalary jańa jaǵdaılarǵa beıimdeledi. Ol úshin ınnovatsııalyq baǵdarlamalar ázirlenedi, bilim berý baǵdarlamalary eńbek naryǵynyń talaptaryna sáıkes jańartylady. Qazaqstandyq joǵary oqý oryndarynyń básekege qabilettiligin arttyrý maqsatynda 20 akademııalyq artyqshylyq ortalyǵy jáne Nazarbaev Ýnıversıtetiniń tájirıbesi boıynsha 2 ozyq joǵary oqý orny qurylady. Sonymen birge 2025 jyldyń sońyna deıin sheteldiń 5 joǵary oqý ornynyń fılıalyn ashý josparlanýda», - dedi mınıstr.


Joǵary qaraı