Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nazarbaev mektebin bitirgen árbir tórtinshi túlek Nazarbaev Ýnıversıtetine túsken

2021 jyldyń 27 qyrkúıek 2021 18:53

NUR-SULTAN. QazAqparat - Kezdesýde Elbasyǵa elimizdegi zııatkerlik mektepterdiń qazirgi jaǵdaıy men aldaǵy damý jospary týraly baıandaldy, dep habarlaıdy Elbasy.kz.

Qazaqstannyń Tuńǵysh Prezıdenti 2008 jyldan beri respýblıka boıynsha jıyrmadan astam jaratylystaný-matematıka baǵytyndaǵy Nazarbaev Zııatkerlik mektebi ashylyp, áleýmettik turǵydan az qamtylǵan balalar úshin úlken demeý bolǵanyn atap ótti.

Osyǵan deıin bul mektepterdi 14,5 myńnan astam bala bitirip, onyń árbir tórtinshisi Nazarbaev Ýnıversıtetine qabyldandy.

2021 jyldyń ózinde Nazarbaev Zııatkerlik mektepteri túlekteriniń 29 paıyzy Nazarbaev Ýnıversıtetine, al 78 bala álemniń eń ozyq ýnıversıtetterine tústi.

K.Shámshıdınova PISA-2018 halyqaralyq zertteýiniń nátıjesi boıynsha Nazarbaev Zııatkerlik mektepteri dúnıe júzinde matematıkadan - úshinshi orynda, jaratylystanýdan - besinshi orynda turǵanyn, oqý saýaty boıynsha - toǵyzynshy orynda ekenin aıtty.

Sondaı-aq Elbasyǵa zııatkerlik mektep oqýshylarynyń halyqaralyq olımpıadalarda qol jetkizgen jetistikteri týraly aqparat berildi.

Sonymen qatar Qazaqstannyń Tuńǵysh Prezıdentine Túrkistandaǵy Nazarbaev Zııatkerlik mektebi qurylysynyń aıaqtalý barysy, oqytýdyń jańa ádistemelerin engizý jáne elimizdegi basqa da oqý oryndaryna Nazarbaev Zııatkerlik mektebi tájirıbesin taratý boıynsha qabyldanyp jatqan sharalar týraly baıandaldy.


Joǵary qaraı