Aýa raıy
Astana 10 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Naýryzdan beri turmystyq zorlyq-zombylyqtan 33 qazaqstandyq kóz jumdy

2020 jyldyń 6 tamyz 2020 17:39

NUR-SULTAN. QazAqparat – 2020 jyldyń naýryzynan beri turmystyq zorlyq-zombylyqtan 33 qazaqstandyq kóz jumdy. Bul týraly QR ІІM Tergeý departamentiniń asa mańyzdy ister jónindegi aǵa tergeýshisi Arman Mátjan málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda bıylǵy 16 naýryzdan bastap qazirgi ýaqytqa deıin qansha turmystyq zorlyq-zombylyq oryn alǵany týraly suraq qoıyldy.

«2020 jylǵy 16 naýryzda tótenshe jaǵdaı engizilgennen bastap 5 tamyzǵa deıingi aralyqta 241 turmystyq zorlyq-zombylyqpen baılanysty qylmystyq quqyqbuzýshylyq tirkeldi. Onyń ishinde 33-i adamdardyń qaza tabýymen, ıaǵnı ólimimen aıaqtaldy. Ótken jyldyń uqsas kezeńine taldaýdy naqty osy merzim aralyǵynda júrgizbegen edik. Biraq biz 16 naýryz ben 31 shilde aralyǵyndaǵy málimetterge salystyrmaly taldaý jasaǵan bolatynbyz. Atap aıtqanda, 31 shildege deıingi aralyqta 237 qylmystyq quqyqbuzýshylyq tirkelgen. Bul ótken jyldyń osy merziminiń aralyǵymen salystyrǵanda, 41,7 paıyzǵa kóp», - dedi A. Mátjan tilshiler saýalyna jaýap bere otyryp.

Osy oraıda ol ótken jyly 16 naýryz ben 31 shilde aralyǵynda 168 osyndaı qylmystyq quqyqbuzýshylyq tirkelgenin naqtylady.

Budan buryn habarlanǵandaı, koronavırýs indeti kezinde elimizde turmystyq zorlyq-zombylyq 21 paıyzǵa ósti.

Aıta keteıik , ózin-ózi oqshaýlaý kezeńinde otbasylyq-turmystyq qatynastar salasynda quqyqqa qaıshy áreketter úshin ákimshilik jaýapkershilikke 8 myńnan astam quqyq buzýshylar tartyldy.



Joǵary qaraı