Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

NATO Aýǵanstanda áskerin qaldyrýǵa qatysty naqty sheshim qabyldaǵan joq

2021 jyldyń 19 aqpan 2021 09:36

BRıÝSSELЬ. QazAqparat – NATO elderi qorǵanys mınıstrleri sársenbi jáne beısenbi kúnderi ótken telekonferentsııadaǵy kezdesýin aıaqtady (17-18 aqpany), dep habarlaıdy QazAqparattyń menshikti tilshisi.

Alıanstyń qorǵanys mınıstrleriniń «vırtýaldy» sammıtindegi kún tártibindegi qaralǵan másele – NATO-nyń Aýǵanstan men Iraktaǵy mıssııasy, jetistikti baǵalaý jáne «NATO-2030» bastamasy. Sondaı-aq mınıstrler NATO seriktesteri – Fınlıandııa, Shvetsııa jáne Eýropalyq odaqpen kezdesip, ortaq qaýipsizdik máselelerin talqylady.

Baspasóz konferentsııasynda sóz sóılegen NATO-nyń bas hatshysy Iens Stoltenberg qazirgi kezde Alıans Aýǵanstanda qalý máselesine qatysty naqty sheshim qabyldamaǵanyn aıtty. «Shekti merzim, ıaǵnı 2021 jyldyń 1 mamyry jaqyndap kele jatqandyqtan, NATO jaqtastary bir-birimen tyǵyz talqylaýdy jáne taıaý aptalarda áreketterin úılestirýdi jalǵastyrady», - dedi I.Stoltenberg.

«Biz batyl aýǵan qaýipsizdik kúshterin oqytyp jáne qarjylandyra otyryp, bizdiń «Naqty qoldaý» mıssııasynan aýytqymaımyz. NATO beıbit protsesti qoldaıdy jáne osyǵan baılanysty áskerimizdiń sanyn edáýir azaıttyq.

Beıbit protsess – zorlyq pen azapty toqtatýǵa aparatyn múmkindik. Beıbit ómirdi qalyptastyrady. Bul aýǵan halqy úshin óte mańyzdy. Óńirlerdiń qaýipsizdigi, bizdiń qaýipsizdigimiz úshin de. Biraq kelissózder qubylmaly bolǵandyqtan úrdis baıaý júrip jatyr», dep atap ótti NATO-nyń bas hatshysy.

Onyń aıtýynsha, Aýǵanstanda beıbit ómirdi qalypqa keltirý kerek. Sonymen qatar, NATO ókili Talıban jaqtastaryna shynaıy kelissóz júrgizýge, agressııa deńgeıin tómendetýge shaqyrdy.

«NATO-nyń maqsaty – Aýǵanstandy elderimizge shabýyl jasaıtyn terrorısterdiń mekenine aınaldyrmaý», - dedi I.Stoltenberg.

Sonymen qatar, alıanstyń qorǵanys vedomstvolary basshylarynyń sammıtinde NATO-nyń Iraktaǵy mıssııasyn 500-den 4 myńǵa deıin ulǵaıtý týraly sheshim qabyldandy.

Avtor Arnur Raqymbekov

Basty sózder: Eýropa, Halyqaralyq uıymdar, Ásker,
Joǵary qaraı