Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Narıman Tabynbaev koronavırýspen kúres jumysynyń nátıjesi týraly aıtty

2021 jyldyń 27 qańtar 2021 18:52

ALMATY. QazAqparat- COVID-19 statıstıkasy alańdaýshylyq týdyrýda. Bul týraly Almaty qalasy Qoǵamdyq densaýlyq saqtaý basqarmasynyń basshysy Narıman Tabynbaev onlaın brıfıngte aıtty, dep habarlaıdy QazAqparat tilshisi.

Onyń aıtýynsha, qaladaǵy epıdemıologııalyq jaǵdaı alańdatýda. Aýyrǵandardyń kúndelikti sany 130 adamnan tómen túspeı otyr.

«Birinshiden, biz bul kórsetkishterdi vırýstyq ınfektsııalar sanynyń maýsymdyq artýymen baılanystyramyz. Ár túrli jaǵdaılardyń, sonyń ishinde jaǵymsyz jaǵdaılar sanynyń artyp jatqandyǵyna qaramastan, qalanyń densaýlyq saqtaý júıesi COVID-19-men kúresýge daıyn»,-deıdi ol.

Almatyda pandemııa bastalǵaly 21 547 KVI jaǵdaıy tirkelse, sońǵy táýlikte jańadan 139 jaǵdaı anyqtaldy. Aýrýdan saýyqqandar sany – 19 487 adam, bul juqtyrǵan barlyq jaǵdaılardyń 91%-yn quraıdy.

Narıman Tabynbaev koronavırýspen kúresýge baǵyttalǵan ýaqtyly qabyldanǵan sheshimder aýrý sanynyń kúndelikti artyp kele jatqandyǵyna qaramastan óz nátıjesin berip jatqanyn aıtady.

«Infektsııalyq statsıonarlardyń júktemesi turaqty deńgeıde, búgingi kúni 724 tósek-oryn bos emes, bul rette onyń 61%-y bos jáne 5 145 tósek-oryn rezervte tur. Qazirgi ýaqytta, táýligine, orta eseppen 50-90 patsıent emdeýge jatqyzylýda. Bizde jansaqtaý bólimsheleri 50%-ǵa tolyq. Bastapqyda reanımatsııalyq tósek-oryndar sany 80 bolsa, bizge tósek-oryndar sanyn 120-ǵa deıin ulǵaıtýǵa týra keldi»,- deıdi dáriger.

Sonymen qatar, ol KVI juqtyrǵandardyń arasynda basqa da aýrýy bar naýqastar sany aıtarlyqtaı óskendigin jetkizdi. Bul rette ol qala turǵyndarynan úıden sırek shyǵýdy, adamdar kóp jınalatyn oryndarǵa barmaýdy, ózin-ózi emdeýmen aınalyspaýdy jáne bilikti medıtsınalyq kómekke júginý qajettigin aıtty.

«Medıtsınalyq-sanıtarııalyq alǵashqy kómek uıymdarynda COVID-19-ben kúresý úshin, úıde emdelip jatqan patsıentterge monıtorıng júrgizetin Mobıldi brıgadalar quryldy. Qazirgi kezde úıde medıtsınalyq baqylaýda 797 adam bar, sımptomsyz, aýyrlyq dárejesi jeńil belgilerimen 254 jáne 543 patsıent em qabyldaýda»,-deıdi Tabynbaev.

Byltyr qyrkúıek aıynda COVID-19 vırýsyn juqtyrǵan patsıentterdi emdeý boıynsha MSAK uıymdaryn qoldaý maqsatynda, qaýipti toptardaǵy karantındik patsıentterdi qashyqtyqtan baqylaý jáne konsýltatsııalar júrgizý úshin telemedıtsına ortalyǵy qurylǵan bolatyn. Qarashadan bastap búgingi kúnge deıin ortalyq mamandarymen 12 000-nan astam kiris qońyraýy qabyldanyp, 51 000-nan astam shyǵys qońyraýy jasaldy.


Avtor Alma Muqanova
Basty sózder: Almaty, Koronavırýs, Karantın,
Joǵary qaraı