Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nıý-Iork soty Muhtar Áblıazov pen Іlııas Hrapýnovqa aıyppul sanktsııalaryn saldy

2021 jyldyń 20 qazan 2021 12:20

NUR-SULTAN. QazAqparat - Nıý-Iork federaldy soty Muhtar Áblıazov pen Іlııas Hrapýnovtyń barlyq narazylyqtaryn qabyldamaı, olarǵa aıyppul sanktsııalaryn saldy, dep habarlaıdy QazAqparat Ádilet mınıstrligine silteme jasap.

2021 jylǵy 18 qazanda Nıý-Iorktiń Ońtústik okrýgi boıynsha AQSh Okrýgtik sotynyń sýdıasy Elıson Dj. Natan M.Áblıazov pen I.Hrapýnov bergen túrli qarsylyqtardy qabyldamaı, «BTA Banki» AQ men Almaty qalasy ákimdiginiń (budan ári – birlesken talapkerler) birlesken talap-aryzy boıynsha bastalǵan sot qaraýy kezinde zańsyz áreketteri úshin olarǵa sanktsııalar saldy.

Sýdıa Natannyń sheshiminde sonymen qatar Muhtar Áblıazov pen Hrapýnovqa sanktsııalar salǵan AQSh bitistirýshi sotynyń burynǵy birneshe qaýlylary (2019 jylǵy 3 shilde, 2019 jylǵy 15 shilde, 2020 jylǵy 7 aqpan, 2020 jylǵy 19 mamyr jáne 2020 jylǵy 3 qyrkúıek) rastaldy.

Bul sheshim Sottyń aldyńǵy sheshimderimen qatar, Muhtar Áblıazov, Vıktor Hrapýnov jáne Іlııas Hrapýnovtyń Birlesken talapkerlerdiń AQSh-ta ondaǵan mıllıon dollardy jylystatqany úshin Áblıazovke, Hrapýnovqa jáne Triadou SPV SA jasandy kompanııasyna qoıylatyn talaptary úshin «úlken mańyzy bar» dáleldemelerdi tabýyna kedergi keltirgenin anyqtady.

Sot jaýapkerlerdiń jasyrǵan jáne qasaqana joıǵan dálelderi bolǵandyǵyn, jalǵan aıǵaqtar bergendigin, sot buıryqtaryn buzǵandyǵyn jáne sot protsesin «mysyq-tyshqan oıyny» retinde qabyldaǵandyǵyn anyqtady.

Atalǵan sheshimde aıtylǵan naqty zańsyzdyqtardyń ishinde sot mynalardy atap ótti:

Muhtar Áblıazov «sottyń odan dáleldemeler usynýdy talap etken qaýlysyn oryndamady»;

«Muhtar Áblıazov ózinde joǵaryda atalǵan dálelderdiń joq ekendigin málimdedi, biraq bul málimdeme onyń óziniń ant berý arqyly bergen aıǵaqtaryna qaıshy keldi»;

Hrapýnovtar «eshqandaı sebepsiz bir de bir qarjylyq esep bergen joq»;

Sot «aqparatty ashý tártibiniń negizgi buzýshysy» dep ataǵan Іlııas Hrapýnov Birlesken talapkerler ózderiniń birlesken talap-aryzyn berýden azǵana buryn óziniń barlyq hattaryn óshirip tastap, onyń ornyna «júzdegen» shıfrlanǵan elektrondy poshta adresterin qoldana bastady, sodan keıin olardyń eshqaısysyna qol jetkize almaıtyndyǵy týraly «oıǵa qonbaıtyn» málimdemeler jasady;

Ilıas Hrapýnov sonymen birge ózi úshinshi tulǵalarǵa jibergen elektrondyq hattaryn moıyndaýdan bas tartty jáne «ondaǵan nemese júzdegen mıllıon dollarlarǵa qatysty qarjylyq operatsııalar týraly eshteńe bilmeımin», dep málimdedi;

Muhtar Áblıazov óziniń menshikti kapıtaly 20 mıllıard AQSh dollarynan asatynyn aıtyp, biraq oǵan osy aqshany tabýǵa jáne basqarýǵa járdemdesken adamdardy ataı almaıtynyn málimdedi;

Zańsyz áreket týraly osy jáne osyǵan uqsas tujyrymdardyń negizinde sot Birlesken talapkerlerdiń paıdasyna Muhtar Áblıazovtiń 140 115,16 AQSh dollary mólsherinde aıyppul tóleý qajettigi týraly sheshim shyǵardy.

Sot I.Hrapýnovqa qatysty sanktsııanyń mólsherin onyń minez-qulqynyń saldarynan bolǵan shyǵyndar týraly Birlesken talapkerlerden qosymsha dálelder alǵannan keıin anyqtaıdy.

Sot sonymen birge «onyń sheshimine kez-kelgen apellıatsııa berilgen jaǵdaıda, bul áreket «sheshimdi óz erkimen oryndaýdan bas tartý» retinde qabyldanady» dep qaýly etti.

Nıý-Iork isi Birlesken talapkerler atynan bes jyl buryn M.Áblıazovtiń jáne onyń sybaılastarynyń urlanǵan aqshany AQSh-ta jylystatqany úshin aıyptaýy boıynsha bastalǵan.

Búkil álem boıynsha sottar anyqtaǵandaı, Áblıazov jalǵan nesıeler berý arqyly BTA bankinen mıllıardtaǵan dollar urlady – bul úshin ol Qazaqstanda sottalyp, Ulybrıtanııanyń sottarynda azamattyq jaýapkershilikke tartyldy.

AQSh-taǵy sot talqylaýy barysynda talapkerler Muhtar Áblıazov qylmystarynyń qosymsha eleýli dálelderin jınady, sondaı-aq osy qylmystardyń kóptegen kýáleriniń aıǵaqtaryn qamtamasyz etti. Qazirgi ýaqytta AQSh-tyń Nıý-Iorktegi alqabılerine qatysty sot isin 2022 jyldyń aqpan aıynda bastaý josparlanýda.


Basty sózder: QR Ádilet mınıstrligi, Sot,
Joǵary qaraı