Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nıý-Iork gýbernatoryn uıatty qylyq kórsetti dep osymen úshinshi áıel aıyptady

2021 jyldyń 2 naýryz 2021 13:52

NUR-SULTAN. QazAqparat – Nıý-Iork shtatynyń gýbernatory Endrıý Kýomony uıatty áreket jasaǵany úshin taǵy bir áıel aıyptady. Bul týraly QazAqparat The New York Times gazetine silteme jasap habarlaıdy.

Basylymnyń 33 jastaǵy Anna Rýhtyń sózin jazǵan. Ondaǵy málimetke saı, oqıǵa 2019 jyldyń qyrkúıek aıynda, onyń dostarynyń úılený toıynda oryn alǵan. Bul toıda Kýomo da bolǵan. Áıeldiń aıtýynsha, Nıý-Iork gýbernatory onyń qasyna kelip, bir-eki aýyz sóz aıtyp, belinen qushaqtaǵan. Áıeldiń qarsylyq tanytqanynyna qaramastan, Kýomo onyń betine qolyn qoıyp, erninen súımek boldy.

Rýh gýbernatordyń bul áreketinen ózin yńǵaısyz sezingenin aıtqan. The New York Times-tiń jazýynsha, Kýomonyń kelispeıtin qylyq tanytqanyn Rýhtyń sol kúni óz dostaryna jibergen habarlamalary rastap otyr.

Buǵan deıin Kýomonyń buryn qaramaǵynda jumys istegen eki qyzmetker Sharlotta Bennet pen Lındsı Boılan basshysy qyryndaǵanyn jarııalady. Bennet Kýomoǵa qatysty aıybyn senbi kúni aıtsa, Boılan bul týraly 2020 jyldyń jeltoqsanynda aıtqan bolatyn. Gýbernator bolsa, eki oqıǵaǵa qatysyn joqqa shyǵaryp otyr.

Bul Nıý-Iork gýbernatorynyń qatysýymen bolǵan birinshi janjal emes. Buǵan deıin AQSh-tyń federaldyq bıligi men Nıý-Iorktiń Brýklın aýdanynyń prokýratýrasy byltyr kóktemde jáne jazda qarttar úıinde koronavırýsqa shaldyǵý saldarynan qaıtys bolǵan adamdar sanyn jasyrý kúdigine ilingen Kýomo ákimshiligine qatysty tergeý amaldaryn bastaǵan edi.


Basty sózder: Álem, Oqıǵa,
Joǵary qaraı