Muz astyna túsip ketken balyqshy qutqaryldy - Pavlodar oblysy
NUR-SULTAN. QazAqparat - Pavlodarlyq qutqarýshylar muz astyna túsip ketken balyqshyny sýdan aman-esen alyp shyqty. Bul týraly Tótenshe jaǵdaılar mınıstrliginiń baspasóz qyzmetinen málim etti, dep habarlaıdy QazAqparat tilshisi.
«20 qarasha kúni saǵat 08:10-da 112 pýltine «Akýlenok» shyǵanaǵynyń aýmaǵynda er adamnyń balyq aýlaý kezinde muz astyna túsip ketkeni týraly habarlama kelip tústi. Qutqarýshylar oqıǵa ornyna jedel jetkenimen muzdyń tym juqa bolýyna baılanysty qutqarý jumystary kúrdelene tústi. Qutqarýshylar 1960 jylǵy azamatty muzdan shyǵaryp alyp, jedel járdem qyzmetiniń brıgadasyna tapsyrdy. Ol aýrýhanaǵa jatqyzyldy. Jaǵdaıy birqalypty«, - delingen mınıstrlik taratqan aqparatta.
Sonymen qatar, QR TJM turǵyndarǵa osyndaı jaǵdaılardyń aldyn alý úshin juqa muzǵa shyqpaýǵa keńes berip otyr.
