Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Munaı óndirisindegi qazaqstandyq merdigerlerdiń úlesi qandaı

2021 jyldyń 10 mamyr 2021 13:58

NUR-SULTAN. QazAqparat - Munaı óndirisine qyzmet etetin kompanııalarǵa beriletin tapsyrystyń neshe paıyzyn otandyq merdigerler ıgerip otyr? Redaktsııanyń bul saýalyna Energetıka mınıstrliginiń baspasóz qyzmeti jaýap berdi, dep habarlaıdy QazAqparat tilshisi.

Munaı óndirisine qyzmet etýshi otandyq merdigerlerdiń tapsyrys alýda shekteýlerge tap bolatyny kóp aıtylady. BAQ-ta sheteldik ınvestorlardyń qazaqstandyq servıs kompanııalaryna quny 100 mln dollardan asatyn tapsyrystardy bermeıtinin, tipti ondaı jobalardyń konkýrsyna qatysýǵa zańmen shekteý qoıylǵany jazylyp júr. Bul qanshalyqty ras ekenin bilý úshin QazAqparat redaktsııasy tıisti vodemstvoǵa saýal joldaǵan bolatyn.

«2020 jyldyń qorytyndysy boıynsha energetıka sektoryndaǵy jer qoınaýyn paıdalanýshylardyń jalpy satyp alý kólemi 5,43 trln teńgeni qurady. Jergilikti qamtý úlesiniń ortasha salalyq kórsetkishi – 2,51 trln teńge», - dep jazady mınıstrli mamandary. Bul bir jyldaǵy satyp alýdyń 46%-y degen sóz.

Resmı jaýapta otandyq jetkizýshiler men servıstik kompanııalardyń úlesine tıgen tapsyrystardyń aqshaǵa shaqqandaǵy kólemi salalar boıynsha jiktep berilgen.

Byltyr munaı alpaýyttary 831,17 mlrd teńgeniń taýaryn satyp alsa, sonyń 163,56 mlrd teńgesi nemese 19,68%-y jergilikti kompanııalarǵa tıgen.

2,1 trln teńgeniń jumysy oryndalsa, onyń 1,44 trln teńgesin nemese 51,29%-yn otandyq kompanııalar ıgergen.

1,79 trln teńgege qyzmetter kórsetilse, sonyń 900,7 mlrd teńgesin nemese 50,3%-yn qazaqstandyq munaıshylar ıgergen.


Avtor Esimjan Naqtybaı
Basty sózder: Munaı, Energetıka,
Joǵary qaraı