Aýa raıy
Astana 19 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Munaı baǵasynyń tómendeýi – Qazaqstannyń bıýdjeti qaıta qarala ma

2020 jyldyń 12 maýsym 2020 17:21

NUR-SULTAN. QazAqparat – Munaı baǵasynyń tómendep, teńgeniń quldyraýyna baılanysty Qazaqstannyń bıýdjeti qaıta qarala ma? Bul suraqqa OKQ-da uıymdastyrylǵan baspasóz máslıhatynda Qarjy mınıstri Erulan Jamaýbaev jaýap berdi, dep habarlaıdy QazAqparat tilshisi.

«Bıylǵy naqtylanǵan bıýdjet sáýir aıynda qabyldandy. Eki aı boldy. Sondyqtan respýblıkalyq bıýdjetti qaıta qaraý týraly ózekti másele turǵan joq. Biraq bizdiń respýblıkalyq bıýdjetke túsetin josparly qarajat oryndalmaı otyr. Áıtse de qazirgi ahýalǵa, munaı baǵasyna, syrtqy ekonomıkalyq jáne saıası ahýalǵa baılanysty biz ózimizdiń boljamdarymyzdy qaıta qarastyramyz. Biraq qazir bıýdjetti qaıta qaraıtyndaı eshqandaı sebep joq», - dedi mınıstr.

Eske sala ketsek buǵan deıin Erulan Jamaýbaev Qazaqstannyń ulttyq qoryna byltyr 4,5 trln teńge qosylǵanyn málim etken bolatyn. Onyń aıtýynsha 2019 jyldyń qorytyndysy boıynsha Ulttyq qor qarajaty shamamen 27,5 trln teńgeni nemese 65,5 mlrd dollardy qurady. Ótken jyly Ulttyq qorǵa shamamen 4,5 trln teńge, onyń ishinde munaı sektory uıymdarynan túsetin tikeleı salyqtar túsimderi esebinen 2,8 trln teńge túsken.



Joǵary qaraı